Дорноговь аймгийн Засаг даргын Тамгын газраас зохион байгуулж буй коронавирусний эсрэг “Хамтдаа давъя” нэг сарын аяны хоёр дахь давалгаанд Эрүүл мэндийн яам, Боловсрол, шинжлэх ухааны яам болон УИХ-ын гишүүн Б.Дэлгэрсайхан, Т.Энхтүвшин нар нэгдсэн байна. 

Аяны хүрээнд аймгийн Нэгдсэн эмнэлэг, сумдын Эрүүл мэндийн төвүүдэд нэн шаардлагатай 36 хүчилтөрөгч өтгөрүүлэгч аппарат, 86 ширхэг компьютер, тоног төхөөрөмж, Алтанширээ, Иххэт, Өргөн, Замын-Үүд сумдын боловсролын байгууллагуудад 12 нэр төрлийн сургалтын хэрэглэгдэхүүн, тавилга, тоног төхөөрөмж өглөө. 

Түүнчлэн аймгийн Ахмадын холбоо, Сайншанд сумын 4, 7-р багийн Ахмадын холбооны үйл ажиллагаанд эмчилгээний тоног төхөөрөмж, БНСУ-д үйлдвэрлэгдсэн 4 ширхэг эмчилгээний орыг дэмжлэг болгон өгсөн байна.

Энэ үеэр УИХ-ын гишүүн Б.Дэлгэрсайхан "Цар тахлын үеийн хүнд хэцүү цаг хугацааг, хүндрэл бэрхшээлийг хамтын хүч, эв нэгдлээр даван туулах болно" хэмээжээ.

https://www.facebook.com/watch/?v=251948633657393&extid=CL-UNK-UNK-UNK-IOS_GK0T-GK1C&ref=sharing