Жижиг дунд үйлдвэрлэл, үйлчилгээ эрхлэгч эмэгтэйчүүдийн уулзалт, зөвлөгөөн боллоо
2021.12.28

Жижиг дунд үйлдвэрлэл, үйлчилгээ эрхлэгч эмэгтэйчүүдийн уулзалт, зөвлөгөөн боллоо

Нийслэлийн жижиг, дунд үйлдвэрлэл, үйлчилгээ эрхлэгч эмэгтэйчүүдийн уулзалт зөвлөгөөн" Баянгол дүүрэгт зөвлөлдөж байна.
Дүүргийн ЖДҮҮ эрхлэгч 100 аруй эмэгтэй оролцож, нээлтийг НИТХ-ын Эмэгтэйчүүдийн зөвлөлийн дарга Бямбасүрэнгийн Мягмар хийлээ.

Арга хэмжээнд НИТХ-ын төлөөлөгч Нийслэлийн Жижиг дунд үйлдвэрлэл, үйлчилгээ дэмжих төв НӨҮГ-ын дарга Г.Гангамөрөн, НИТХ-ын төлөөлөгч Д.Энхуяа, дүүргийн ИТХ-ын дарга Б.Сэмжидмаа нар ЖДҮҮ эрхлэгч эмэгтэйчүүдийн үйл ажиллагааг дэмжих, цар тахлын нөхцөл байдал тэдний амьдралд хэрхэн нөлөөлсөн талаар мэдээлэл өгч, түүнийг хамтдаа даван туулах, боломж шийдлийн талаар ярилцаж байна.

Зөвлөгөөнөөр жижиг, дунд үйлдвэрлэл, үйлчилгээ эрхлэгч эмэгтэйчүүдийн үйл ажиллагааг дэмжих, цар тахлын нөхцөл байдал тэдний амьдралд хэрхэн нөлөөлсөн талаар судалж, холбогдох шийдвэрийн төслийг боловсруулах юм. ЖДҮҮ эрхлэгчдийг чадавхжуулах, бойжуулахад чиглэсэн төрөл бүрийн сургалтын хөтөлбөрийг олон улсын байгууллагуудтай хамтран хэрэгжүүлж байгаа. Тухайлбал, Рио Тинто группын хөрөнгө оруулалтаар 1 сая ам.долларын эх үүсвэртэй, хөнгөлөлттэй зээлийн хөтөлбөрийг хэрэгжүүлэхээр бэлтгэл ажлыг хангаж байна. Мөн арилжааны банкнуудтай хамтран барьцаагүй, бага хүүтэй зээлийн хөтөлбөрийг хэрэгжүүлэхээр судалж байгаа гэдгийг онцоллоо.

Сэтгүүлч

Сэтгүүлч Ц.Соёлмаа soyolmaa@vip76.mn