Улсын Их Хурлын 2022 оны Намрын чуулганаар /2022.10.06/ “Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.

УИХ-ын гишүүн С.Чинзориг:

2022 оны төрөөс баримтлах мөнгөний бодлогын бичиг баримтын биелэлт хангалтгүй байна. Иргэдийн ажил, эрхлэлт амьжиргааны байдал хүндэрчихлээ. Оны эхэнд валютын ханш 2850 байсан. Өнөөдөр 20 гаруй хувиар өссөн байна. Монгол банкнаас валютын ханшийг тогтворжуулна гэж долларын интегрэц хийгээд гадаад валютынхаа 40 гаруй хувийг үүнийг хийхэд зарцуулсан. Ийм бодлого явуулаад байгаа атал яагаад долларын ханш тогтворжихгүй, оны эхний түвшингээсээ 20 гаруй хувиар өсчихдөг юм бэ? Үүнд ямар дүгнэлт хийж байна вэ?

Монгол улс валютын албан ба албан бус гээд хоёр ханштай болчихлоо. Монгол банк албан ханш гэж зарладаг. Найман шарга дээр албан бус ханш зарладаг. Өнөөдрийн байдлаар Монгол банкны зарласан ханш, Найман шарга дээр албан бусаар зарласан ханшны хооронд 150 орчим төгрөгийн зөрүү байна. Энэ зөрүүг яаж арилгах вэ? Цаашдаа ийм хоёр ханшаар яваад байх юм уу.

Их хурлаас хүнсний гол нэрийн бүтээгдэхүүн гурил, махны үнийг тогтворжуулна, нөөц бүрдүүлнэ гээд тусгай хууль баталж өгсөн. Энэ хууль яагаад хэрэгжихгүй байна вэ? Монгол банк хөнгөлөлттэй санхүүгийн эх үүсвэр гаргаж өгнө гэсэн. Үүнийгээ гаргаж өгсөн үү?

Түүний асуултад Монгол банкны ерөнхийлөгч Б.Лхагвасүрэн хариуллаа.

С.Чинзориг: Мөнгөний бодлого хангалтгүй хэрэгжиж, долларын ханш өссөнд Монголбанк ямар дүгнэлт хийж байна вэ