СХД-ийн 28-р хороо шинэ цэцэрлэгтэй боллоо
2023.01.05

СХД-ийн 28-р хороо шинэ цэцэрлэгтэй боллоо

Сонгинохайрхан дүүргийн 28 дугаар хороонд 150 хүүхдийн ортой цэцэрлэгийн барилга угсралтын ажил дуусаж, бяцхан сурагчдаа хүлээн авахад бэлэн боллоо.

Тус цэцэрлэгийг улсын төсвийн хөрөнгө оруулалтаар 2022 оны жилийн эцэст байгуулаад байна. Тун удахгүй хамрах хүрээний хүүхдүүдээ бүртгэж эхлэх юм.

Цэцэрлэгийн орчинг олон улсын стандартад нийцсэн тоглоомын талбай, тоног төхөөрөмжөөр тохижуулжээ. Энэхүү цэцэрлэг ашиглалтад орсноор тус хорооны цэцэрлэгийн насны багачууд өөрийн гэртээ ойр, тав тухтай орчинд сургуулийн өмнөх боловсрол эзэмших боломжтой болов.