Тус сургууль нь 1995 онд Японы эрүүл мэнд, халамжийн анхны их сургууль болж байгуулагдсан.

2021 оны байдлаар Отавара хот (Точиги), Нарита хот (Чиба), Акасака (Токио), Одавара хот (Канагава), Окава хот (Фукуока) зэрэг газруудад байрлах 5 кампус дахь 10 сургууль, нэг факультет, 25 тэнхимд 11,000 орчим оюутан суралцаж байна.

Тус их сургууль нээгдсэнээс хойш 27 жилийн хугацаанд 30,000 орчим чадварлаг, Японд төдийгүй гадаадад өндөр үнэлэгддэг төгсөгчдийг бэлтгэжээ. Түүнчлэн тус сургууль нь Монгол Улсын АШУҮИС-тай хамтын ажиллагаагаа өргөжүүлж Монгол оюутнуудыг 100%-ийн тэтгэлгээр суралцуулдаг. 2022 оны байдлаар нийт 16 монгол оюутан суралцаж энэ онд анхны оюутнууд төгсөнө.

IUHW Анагаах Ухааны Сургууль нь:

Орон нутгийн төдийгүй дэлхийн нийгэмд идэвхтэй үүрэг гүйцэтгэж чадах эмнэлгийн мэргэжилтнүүдийг бэлтгэх,
WFME (Дэлхийн Анагаах Ухааны Боловсролын Холбоо)-аас тогтоосон дэлхийн стандартад нийцсэн, олон улсын онцлог шинж чанартай өндөр чанартай эмнэлгийн боловсрол олгох,
Багшлах боловсон хүчин нь салбар бүртээ олон улсад нэр хүндтэй тэргүүлэх мэргэжилтнүүдтэй,
Төгсөлтийн түвшний анагаах ухааны ахисан түвшний боловсрол олгодог,
Сургалтын төлбөр нь бусад хувийн анагаахын сургуулиудын дунд хамгийн бага байхаар тогтоогдсон бөгөөд олон төрлийн тэтгэлэгт хөтөлбөрүүд олгодог зэрэг олон давуу онцлогтой.

Цаашид Монгол Улсаас суралцах оюутны тоог нэмэгдүүлэх, Их сургуулийн дэргэдэх Монгол-Японы эмнэлэгийн хамтын ажиллагааг өргөжүүлэх, алсын зайн эрүүл мэндийн үйлчилгээг Монгол Улсад илүү чанартай, хүртээмжтэй болгох тал дээр хамтран ажиллах хүсэлтээ илэрхийллээ.

Олон улсын эрүүл мэнд, нийгмийн халамжийн их сургуулийн (IUHW) удирдлагуудтай уулзлаа

Олон улсын эрүүл мэнд, нийгмийн халамжийн их сургуулийн (IUHW) удирдлагуудтай уулзлаа