XVII жарны “Үзэсгэлэн болгогч” хэмээх харагчин усан туулай жилийн цагаан сарын шинийн 4-ний билэгт сайн өдөр МҮЭ-ийн холбооны аппаратын нийт ажилтнуудын золголт боллоо.

Энэ үеэр Морин хуур, уртын дуугаар жавар үргээж, Гандантэгчлэн хийдийн ҮЭ-ийн хорооны лам нар Жарны хувьд тооллын эхнээс 16 жаран дуусч байгааг хэлж XVII жарны 37 дахь жил гарч байгааг онцлон “Үзэсгэлэнт болгогч” хэмээх харагчин туулай жилийн буян номыг хурав. Мөн үеэр Төр, нийгэм, цэргийн нэрт зүтгэлтэн Маршал Юмжаагийн Цэдэнбалын Академийн зөвлөх П.Цэен, Юмжаагийн Цэдэнбалын нэрэмжит "Эрдэнийн Алтан-Очир" одонгоор МҮЭ-ийн холбооны Ерөнхийлөгч С.Эрдэнэбат, Монголын Ажилтан Албан Хаагчдын ҮЭ-ийн холбооны дарга М.Алтанцэцэг, МҮЭСТО-ны захирал Ц.Мөнхбаяр нарыг шагналаа.

Ю.Цэдэнбал агсаны гавьяат үйлсийг мөнхжүүлэх, хойч үедээ өвлүүлэн үлдээх үйлсэд үнэтэй хувь нэмэр оруулсан эрхэм хүмүүсийг Маршалын нэрэмжит “Эрдэнийн Алтан-Очир” одонгоор шагнадаг билээ. Ю.Цэдэнбал нь 1916 онд Увс аймгийн Давст суманд төрсөн. Монгол улсын төрийг 44 жил барьсан Монголын ард түмний суут удирдагчдын нэг билээ. Тэрээр 1940-1984 он хүртэл БНМАУ-ыг удирдаж байсан юм.

Сэтгүүлч

Сэтгүүлч Ц.Соёлмаа soyolmaa@vip76.mn