Австрали улсаас монгол улсад суугаа элчин сайд кэйти смиттэй байгаль орчин, аялал жуулчлалын салбарын хамтын ажиллагааны талаар санал солилцлоо.

Монгол Улсын Засгийн газар 2023-2025 оныг Монголд зочлох жил болгон зарласантай холбогдуулан аялал жуулчлалын салбарт хамтран ажиллах, мөн уур амьсгалын өөрчлөлт, цөлжилт, нөхөн сэргээлтийн асуудалд мэргэжил арга зүйн дэмжлэг авах, хамтын ажиллагааг улам бэхжүүлэх асуудлаар санал солилцлоо. Мөн Дэлхийн усны өдөрт зориулж Монгол Улсын Ерөнхийлөгчийн санаачилга дор “ЦЭНХЭР АЛТ” Үндэсний чуулганыг 3 дугаар сарын 20-ны өдөр зохион байгуулахаар төлөвлөж буйг хэллээ.

Элчин сайд Кэйти Смит энэ удаагийн уулзалт болон “ЦЭВЭР АГААР” дээд түвшний ОУ-ын чуулга уулзалтыг амжилттай зохион байгуулсанд баяр хүргэж, чуулга уулзалтын үр дүнгийн талаар мэдээлэл авахыг хүслээ. Мөн “Монгол Улс Европын 34 орны иргэдийг визнээс чөлөөлж, үүнд Австрали Улс орсонд маш их талархаж байна. Бид өөрийн орны иргэдэд энэ мэдээллийг хүргэж, жуулчид татахад дэмжлэг үзүүлэх болно” гэв. Түүнчлэн усны асуудалд онцгой анхаарч байгаад талархаж, манай хоёр орны эдийн засгийн тулгуур нь уул уурхай бөгөөд үйл ажиллагааны дараах нөхөн сэргээлт, байгаль орчинд ээлтэй байх, усны зохистой хэрэглээг бид эрхэмлэж ажилладаг гэдгийг онцлон тэмдэглэлээ.

Түүнчлэн 30 дахь жилдээ хэрэгжиж буй “Australian Awards” хөтөлбөр зарлагдсан талаар мэдэгдэж, энэ тухай мэдээллийг олон нийтэд түгээж, байгаль орчны салбарын албан хаагчдад мэдээлэл хүргэхийг хүсэв. Түүнчлэн аялал жуулчлалын салбарыг дэмжих зорилгоор “Australian Volunteers” хөтөлбөрийн хүрээнд сайн дурын аялал жуулчлалын салбарын мэргэжилтнийг Монгол Улсад ажиллуулахад дэмжлэг үзүүлж ажиллахаа илэрхийлэв.

Уулзалтад Сайдын зөвлөх О.Одбаяр, БОАЖЯ-ны Аялал жуулчлалын бодлого зохицуулалтын газрын дарга Т.Мөнх-Од болон албаны хүмүүс оролцов.

Австралиас Монгол Улсад шууд нислэгтэй болгохын төлөө хичээн ажиллана