СХД-ийн 34 дүгээр хорооны нутаг дэвсгэрт байрлах 10 га газарт НОСК 1764 айлын орон сууцны барилгын төслийн хэрэгжүүлэгчийг шалгаруулан төсөл хэрэгжүүлэгчээр “Сайхан төмөрт” ХХК-ийг батламжилж, гэрээ байгууллаа.

Батламжийг “Нийслэлийн Засаг даргын эдийн засаг, дэд бүтцийн асуудал хариуцсан нэгдүгээр орлогч” Ж.Сандагсүрэн, “Нийслэлийн Орон Сууцны Корпораци” ХК-ийн Гүйцэтгэх захирал М.Говьсайхан нар гардуулан өгч төслийн ажлыг төлөвлөсөн хугацаанд хурдан шуурхай, чанартай гүйцэтгэхийг захив.

Төслийг хэрэгжүүлэхээр төлөвлөж буй газар нь Нийслэлийн төв цэгээс 17.4 км зайд оршдог. Хорооллын төлөвлөлт нь сургууль, цэцэрлэг, ногоон байгууламж, авто зогсоол гээд цогц шийдэл бүхий 25х13м хэмжээтэй 9 давхар, 1 блоктоо 63 айлтай нийт 28 блок, 1764 айлын орон сууцны хотхон юм байна.