НҮБ-ын Хүүхдийн сан, Швейцарын хөгжлийн агентлагаас хамтран зохион байгуулсан “Агаарын бохирдол ба эх, хүүхдийн эрүүл мэнд” үр дүн, сайн туршлага, тогтвортой байдал хамтын ажиллагаа зөвөлгөөнд УИХ болон Засгийн газрын төлөөллүүдийн хамт оролцлоо. Тус зөвөлгөөнийг зохион байгуулсан НҮБ-ын Хүүхдийн Сангийн Суурин Төлөөлөгч Эваристе Коуасси Комлан, Швейцарын Холбооны Улсаас Монгол Улсад суугаа Бүрэн эрхт элчин сайд Юрг Буррид талархал илэрхийлье.

УИХ-ын Байгаль орчин, хүнс, хөдөө аж ахуйн байнгын хороо нь НҮБ-ын Хүүхдийн Сангаас Швейцарын хөгжлийн агентлагийн дэмжлэгтэйгээр хэрэгжүүлсэн “Эх, хүүхдийн эрүүл мэндэд агаарын бохирдлын үзүүлэх нөлөөг бууруулах нь” төсөлтэй хамтран бодлогын хэд хэдэн хэлэлцүүлэг, хяналтын сонсголыг амжилттай зохион байгуулж, богино, дунд, урт хугацаанд бохирдлыг бууруулах чиглэлээр авч хэрэгжүүлэх арга хэмжээний зөвлөмжийг Засгийн газарт хүргүүлэн, хэрэгжилтэд тогтмол хяналт тавьж хамтран ажиллаж байгаа билээ.

Энэ ажлын хүрээнд төрийн захиргааны төв болон нутгийн захиргааны байгууллагад хүргүүлсэн зөвлөмжид агаар бохирдуулагч эх үүсвэрүүдийг төвлөрсөн болон хэсэгчилсэн халаалтын системд холбох, боловсрол, эрүүл мэндийн байгууллагад ашиглаж байгаа үр ашиг багатай халаалтын зуухыг халж, байгальд ээлтэй цэвэр эрчим хүчний технологи ашиглах, агаар сэлгэх систем суурилуулах зэрэг цаг алдалгүй хэрэгжүүлэх шаардлагатай арга хэмжээг онцлон тусгасан. Тус төслийн сайн туршлага, оновчтой үйл ажиллагаа, инновац шингэсэн шийдлүүдийг дэлгэрүүлэх, нутагшуулахад өнөөдрийн арга хэмжээ хувь нэмрээ оруулж, оролцогч байгууллага, хүмүүсийн хооронд хамтын ажиллагаа, түншлэл, хөрөнгө оруулалтын шинэ санаа, санаачлагыг эхлүүлнэ гэдэгт итгэлтэй байна.

Сэтгүүлч

. Ц.Соёлмаа