Миний бие ЗТХ-ийн сайдаар томилогдсон цагаас эхлэн салбарынхаа хүний нөөцийн бодлогод онцгойлон анхаарч ирсэн билээ.

Энэ хүрээндээ өнгөрсөн 5-р сард “Scholarship Road” боловсролын үзэсгэлэн арга хэмжээг санаачлан зохион байгуулж 3000 орчим оюутан залууст гадаадын улс орнуудад тэтгэлэгтэйгээр суралцах боломжийн талаар мэдээллийг хүргэсэн. 

Энэхүү арга хэмжээний маань хамгийн анхны бодит үр дүн гарч БНХАУ-д тэтгэлэгтэй суралцахаар шалгарсан залуус дүү нартаа суралцах эрхийн батламжийг нь гардуулан өгч байна. 

Цаашид зам, тээврийн салбарын эрэлттэй мэргэжлээр Хятад, Орос, Герман, Катар, Солонгос зэрэг улсуудад тэтгэлгээр суралцах боломжуудыг шат дараатай нээлттэй зарлаж хүний нөөцийн бодлогодоо тууштай анхаарна.

Мөн тун удахгүй гадаад, дотоодын их, дээд сургууль, МСҮТ-д суралцаж буй шилдэг 100 оюутанд тус бүр 2 сая төгрөг олгох тэтгэлэг зарлагдана.

Хээрийн галуу нисэн үл хүрэх газраас хүний хүү эрдэм өвөрлөн ирнэ. Улс орны ирээдүйн эзэд болсон залуус дүү нарынхаа сурлага, хөдөлмөрийн их үйлсэд цаглашгүй амжилтыг хүсэн ерөөе.