Олон улсын зээлжих зэрэглэл тогтоогч Фитч Рейтингс /Fitch Ratings/ агентлагаас “Эдийн засгийн сорилт ба тогтвортой ирээдүй” сэдэвт форумыг 2023 оны наймдугаар сарын 17-нд Улаанбаатар хотод зохион байгууллаа.

Форумд Сангийн яам, банк санхүү, даатгал зэрэг санхүүгийн салбарын төлөөллүүд оролцож, Монгол Улсын зээлжих зэрэглэл, санхүүгийн байгууллагуудын төлөв байдал болон Тогтвортой хөгжлийн зорилт тэр дундаа Байгаль орчин нийгэм, засаглалын талаар хэлэлцэж, санал солилцсон юм.

Форумаар Монгол Улсын эдийн засаг, санхүүгийн байгууллагуудын сүүлийн үеийн хөгжил, улс орны ногоон санхүүгийн ирээдүйн талаар санал бодлоо солилцов.

Фитч агентлаг нь 2023 оны 5 дугаар сард Монгол Улсын зээлжих зэрэглэлийн үнэлгээг дараах үндэслэлүүдээр “B” түвшинд, төлөвийг “Тогтвортой” хэвээр үлдээсэн.

Сангийн сайд Б.Жавхлан хуралд оролцож, Монгол Улсын эдийн засгийн өнөөгийн нөхцөл байдал, цаашдын чиг хандлага, Монгол Улсын Засгийн газраас эдийн засгийг эрчимжүүлэхэд авч хэрэгжүүлж буй бодлого шийдвэрийн талаар мэдээлэл өглөө.

Мэдээллээс товч дурдвал: 2023 оны эхний хагаст Монгол улсын эдийн засаг 6,4 хувиар өсөөд байна.

Үүнд:

• Уул уурхайн салбар 42,2%
• Үйлчилгээний салбар 7,4%
• Аж үйлдвэр, барилгын салбар 1,4% өсч, голлох нөлөөг үзүүлжээ.

Монгол улсын Засгийн газар

- уул уурхайн салбарын ил тод байдлыг хангаж,
- хилийн боомтуудын үйл ажиллагааг идэвхижүүлж,
- аялал жуулчлалын салбарыг бодлогоор дэмжин ажилласан нь эдийн засгийн өсөлтөнд түлхэц болж байна.

Фитч агентлаг нь 2023 оны 5-р сард Монгол Улсын зээлжих зэрэглэлийн үнэлгээг дараах үндэслэлүүдээр “B” түвшинд, төлөвийг “Тогтвортой” хэвээр үлдээсэн билээ.

Үүнд:

• В” түвшний бусад орнуудтай харьцуулахад Монгол улсын нэг хүнд ногдох орлого нэмэгдсэн
• Инфляц 2024 онд 9% орчим буурна.
• Монгол улсын эдийн засгийн өсөлт 2023 онд 5% байна.
• Монгол улсын төсвийн алдагдал 2023-2024 онд 1%-иас бага байна.
• Засгийн газрын өр үргэлжлэн буурч, 2024 онд ДНБ-ны 55% хүрнэ.
• Дунд хугацаанд эдийн засгийн өсөлт сайжрах төлөвтэй байна гэж дүгнэжээ.

“Fitch on Mongolia 2019” форумыг зохион байгууллаа

“Fitch on Mongolia 2019” форумыг зохион байгууллаа