УИХ-ын чуулганы өнөөдрийн /2023.11.02/ нэгдсэн хуралдаан эхэллээ. Хуралдааны эхэнд хэлэлцэх асуудлын дараалалд өөрчлөлт оруулах тухай УИХ-ын гишүүдээс ирсэн хүсэлтийг сонслоо.

Уг асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүн Н.Наранбаатар:

УИХ-ын тогтоолоор 2024 оныг хот, хөдөөгийн сэргэлтийг дэмжих жил болгон зарлаж, төвлөрлийг сааруулах, орон нутгийн хөгжлийг дэмжих, тэнд ажиллаж байгаа төрийн албан хаагчдыг дэмжих чиглэлээр олон заалт, арга хэмжээ авч хэрэгжүүлэхээр төсөвт орж ирж байгаа.

Түүний нэг нь төрийн албаны тухай хуульд нэмэлт, өөрчлөлт оруулах талаар, аймагт очин ажиллаж байгаа төрийн албан хаагч 1.6 жил, суманд 1.3 жил гээд ажилласан жилийг дүйцүүлэхээр оруулж ирсэн.

Улаанбаатар хотоос орон нутаг руу шилжин ажиллаж байгаа хүмүүсийн ажилласан жилийг дүйцүүлж 1.6 жил болгоод, хотдоо ажиллаж байгаа хүмүүсийг хуучнаар байлгахаар орж ирсэн байна.

Энэ заалт нь нэг ижил ажил хийж байгаа төрийн албан хаагчдыг ялгасан заалт болчхож байгаа юм биш үү. Үндсэн хуульд заасан ижил тэгш байх зарчим алдагдаж байна уу хэмээн харж байна.

Энэ заалтыг хасахаар орж ирж байгаа нь нөгөө хот, хөдөөгийн сэргэлтийг дэмжих ажилтай чинь зөрчилдөж байгаа юм биш үү. 

Түүний асуултад, ажлын хэсэг хариуллаа.

Сэтгүүлч

Сэтгүүлч Б.Хонгорсайхан