УИХ-ын чуулганы / 2018.05.31/ хуралдаанаар Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийг хэлэлцлээ УИХ-ын гишүүн М.Билэгт: Энэ замбараагүй олгосон газрын асуудлаа шийдэж байж, газар эзэмших ашиглуулах эрхийг үл хөдлөх эрхэд бүртгүүлж болохгүй гэдгийг тэмдэглэх хэрэгтэй. УИХ-ын гишүүн Х. Нямбаатар: Байнгын хороон дээр дэмжигдээгүй саналыг дэмжиж болохгүй. Иргэний эрх зүйн хууль тогтоомж боломжгүй болох үндэслэл байгаа. Иймд гадаад нэр томъёог хасъя гэж хасаж болохгүй.Байнгын хорооны саналыг дэмжиж байна.
ИХ-ын чуулганы / 2018.05.31/ хуралдаанаар Улсын бүртгэлийн ерөнхий хуулийн шинэчилсэн найруулгын төсөл болон хамт өргөн мэдүүлсэн бусад хуулийн төслүүдийг хэлэлцлээ УИХ-ын гишүүн М.Билэгт: Хуулинд газар эзэмших эрхийн талаар байна. Бодит байдал дээр хууль зөрчөөд газар дээр юм барчихсан байхад түүнийг буулгаж чадахгүй байна. Хууль ийм байхад газар эзэмших эрхийг үл хөдлөх эрхэд бүртгүүлнэ гэдэг эрсдэлтэй. Өнөөдрийн байдлаар мэдээлэлд ойрхон хүмүүс маш их хэмжээгээр газар авсан. Үүнийгээ барьцаанд тавиад явчихвал эрсдэл бий болно. Төрийн байгууллага тогтвортой биш байхад энэ асуудалд ингэж хандаж болохгүй. Газар дээр маш хариуцлагатай хандах ёстой. Энэ заалтууд дээрээ анхаараач ээ. Ажлын хэсэг: Өнөөдрийн байдлаар газар эзэмшиж, ашиглаж байгаа тохиолдол газрын тухай болон бусад хуулиар зохицуулагдаж байгаа. Газрыг өмчлөх эрхтэй холбож болохгүй гэсэн байр суурьтай байгаа. Газрын хуулийг оруулах үед энэ асуудалд анхаарна. УИХ-ын гишүүн Ц.Мөнх-Оргил : Хууль өргөн барихад зөрчилтэй асуудал гарсан. Гэхдээ газар эзэмших нь бүртгэгдэнэ. Харин эд хөрөнгийн бүртгэлийн газар бүртгүүлэх асуудлыг дараа хууль орж ирэхэд зохицуулах юм.
Өнөөдөр /2017.01.25/ УИХ-ын нэгдсэн чуулганаар Улсын бүртгэлийн ерөнхий хуулийн шинэчилсэн найруулгын хэлэлцэх эсэхийг хэлэлцэж, гишүүдийн олонхи нь төслийг дэмжээгүй учир Засгийн газарт буцаалаа. Хэлэлцүүлгийн үеэр УИХ-ын гишүүн Б.Бат-Эрдэнэ бүртгэлийн хураамжын асуудал мөн бүх зүйлийг цахим, дижитал болгох гэж яарах хэрэггүй гэдэг байр суурийг илэрхийлсэн юм. УИХ-ын гишүүн Б.Бат-ЭРдэнэ Бүртгэлтэй холбоотой асуудлыг анхаарахгүй бол иргэдэд хамгийн их чирэгдэл, хүндрэл энд байгаа юм. Ц.Содхүү даргын хэлж байгаагаар тодорхой өөрчлөлт гарах нь амаргүй юм байна гэж ойлголоо. Бүгдийг хэлж байгаа биш. Гэхдээ зарим ажиллагсдын харилцаа, ёс суртахуун зэргээс хамаарч хүндрэл учирдаг. Хуулийн энэ өөрчлөлтөөр орон тоонд өөрчлөлт орохгүй юм байна. Гэтэл бодит байдал дээр нэг албан хаагч өдөртөө ачааллаасаа хамаарч 80-180 иргэнд үйлчилдэг гэж байна. Мөн бүх зүйлийг дижитал, цахим байдалд шилжүүлнэ гэж байна. Бид хэт их туйлшрамтгай учраас үүнд хүлээцтэй хандах хэрэгтэй. Бүртгэлээс 1 тэрбум 70 сая төгрөгийн хураамж төсөвт төвлөрүүллээ гэж байна. Энэ нээх баярлаад байх тоо биш ээ.
Өнөөдөр /2017.01.25/ УИХ-ын нэгдсэн чуулганаар Улсын бүртгэлийн ерөнхий хуулийн шинэчилсэн найруулгын хэлэлцэх эсэхийг хэлэлцлээ. Гэсэн ч гишүүдийн олонхи нь хуулийн төслийг хэлэлцэхэд "түүхий" байна гэж үзсэн учир хууль санаачлагчид нь буюу Засгийн газар буцаалаа. Энэ үеэр УИХ-ын гишүүн Л.Мөнхбаатар улсын бүртгэлийг төгөлдөржүүлэх ажил удаашралтай явагдаж байгааг онцоллоо. Тэрээр өмнө нь энэхүү байгууллагын удирдлагаар ажиллаж байсан билээ. УИХ-ын гишүүн Л.Мөнхбаатар Улсын бүртгэлийн Ерөнхий газар хуульд зааснаар үндэсний аюулгүй байдлыг хангах чиг үүргийг гүйцэтгэх эрх бүхий байгууллага. Нөгөөтэйгүүр улсын бүртгэл гэдэг бол тусгаар тогтнолын том баталгаа. Энэ агуулгаараа төрийн чухал үйл ажиллагаа юм. Тиймээс 008-2012 онд бүртгэлийн үйл ажиллагааг төгөлдөржүүлэх зорилт тавьж, олон үйл ажиллагаа явуулсан. Үүний үр дүнд энэ хууль батлагдсан. Энэ хуулийн гол зорилго бол бүртгэлийн нэгдсэн систем бий болгох байсан. Монгол улсын бүх иргэдээ шинэчлэн бүртгэсэн. Энэхүрээнд маш олон ажил хийгдэж бүх мэдээлэл цахим болсон. Үүнийгээ ард иргэдэд чирэгдэлгүй хүргэх, хэрэглээ тал руу нь хамгийн гол хөгжил явагдах ёстой. Харамсалтай нь энэ ажил харьцангуй жаахан удаашралтай байна. Одоо төрийн байгууллагууд иргэдийг чирэгдүүлдэг бус өөрт байгаа мэдээллээ хоорондоо солилцдог тогтолцоог л бий болгох хэрэгтэй. Нэгэнт иргэний хурууны хээг авчихсан тохиолдолд иргэний үнэмлэх ч шаардах ёсгүй шүү дээ. Бусад төрийн байгууллагууд мөн адил. Ерөөсөө л энд төр өөртөө байгаа мэдээллээ иргэдээс шаардахгүй байх юм. Бид завсрын шийдлээр олон ажлууд хийж үзэж байсан. Нэг цэгийн үйлчилгээ, ТҮЦ машин зэрэг бол завсрын шийдэл.
Өнөөдөр /2017.01.25/ УИХ-ын нэгдсэн чуулганаар Улсын бүртгэлийн ерөнхий хуулийн шинэчилсэн найруулгын хэлэлцэх эсэхийг хэлэлцлээ. Гэсэн ч гишүүдийн олонхи нь хуулийн төслийг хэлэлцэхэд "түүхий" байна гэж үзсэн учир хууль санаачлагчид нь буюу Засгийн газар буцаалаа. Төслийг хэлэлцэх үеэр "Буцаах" саналтай байсан гишүүдийн нэг бол УИХ-ын гишүүн Х.Нямбаатар юм. Тэрэээр "Энэ хууль бүртгэл хийх процессыг зохицуулах гээд байгаа юм уу? Эсвэл бүртгэлийн байгууллагын эрхзүйн байдлыг сайжруулах гээд байгаа юмуу гэдэг нь ойлгомжгүй байна. Төслийг уншихаар аль аль нь туссан агуулгатай байна. Оны өмнө Францын нотариатын танхимын төлөөлөгчид ирээд танилцуулга хийсэн. Энд эрхзүйн хөгжил өндөртэй орнуудад чиг хандлага нь цахим нотариатын байгууллага чиглэл рүү хөгжиж байна. Сая Германы төлөөлөгчидтэй уулзахад ч мөн энэ асуудал яригдаж байна. Тиймээс энэ хуулийн төслөө татаж аваад, дижитал бүртгэлийн систем рүү шилжих шилжилтээ тусгаад эргэж оруулж ирэх хэрэгтэй. Манай улсад болхи системээр нотариатын ажил явагдаж байгаа. Тэгэхээр гадны улсууд туслая гэж байгаатай нь уялдуулаад хуулийн төслөө оруулж ирвэл яасан юм бэ" гэсэн саналыг хэлсэн юм.
