Ардчилсан намын дарга З.Энхболд Ардчилсан намын дээд шагнал “Чингисийн одон”-г УИХ-ын гишүүн, Монгол-Японы парламентын бүлгийн дарга Д.Ганхуягт гардууллаа.

Энэ үеэр Ардчилсан намын дарга З.Энхболд “Д.Ганхуяг гишүүн Монгол-Японы парламентын бүлгийн даргаар 10 жил ажиллаж байгаа.

Өчигдрөөс хэрэгжиж эхэлсэн Монгол-Японы эдийн засгийн түншлэлийн хэлэлцээрийг байгуулахад голлох үүрэг гүйцэтгэсэн хүн юм. Хоёр орны харилцаа, хамтын ажиллагааг бэхжүүлэхэд оруулсан хувь нэмэр, Ардчилсан хувьсгалыг түүчээлэгч байсныг нь үнэлж, 11 жил хөөцөлдөж байж батлуулж чадсан Япон Монголын хоорондын эдийн засгийн түншлэлийн хэлэлцээрийг хэрэгжиж эхэлсний эхний өдөр Ардчилсан намын дээд шагнал Чингисийн одонгоор шагнаж байна” гэв. Харин УИХ-ын гишүүн Д.Ганхуяг “Монгол Улс булган сүүлтэй байгаасай.

Хамгийн гол нь зах зээлийн нийгэмд худалдан авагч маш чухал. Бид олон худалдан авагчтай байх тусмаа сайн техник технологи нэвтрүүлж бараа бүтээгдэхүүнээ боловсруулан өндөр үнэд хүргэх боломж бүрдэнэ. Манай улс зах зээл багатай учраас экспорт бидний хөгжлийн гарц.

Чөлөөт худалдааны хэлэлцээр байгуулагдсанаар хоёр орны хооронд эдийн засгийн тусгайлсан эрх зүйн орчин бүрдэж, хоёр тийш бараа, бүтээгдэхүүн гаалийн болон НӨАТ-аас чөлөөлөгдөнө. Япон бол дэлхийн гуравдахь том эдийн засаг. Энэ том эдийн засаг монголчуудад нээлттэй болж байна” хэмээн байр сууриа илэрхийлсэн юм.

Д.Ганхуяг гишүүнийг “Чингисийн одон”-оор шагнажээ