Боловсролын тухай хуульд нэмэлт, өөрчлөлт оруулах тухай хуулийн төслүүдийг хэлэлцэхийг дэмжлээ
УИХ-ын чуулганы нэгдсэн хуралдаан
2016.12.01

Боловсролын тухай хуульд нэмэлт, өөрчлөлт оруулах тухай хуулийн төслүүдийг хэлэлцэхийг дэмжлээ

УИХ-ын чуулганы үдээс хойших нэгдсэн хуралдаанаар "Боловсролын тухай хуульд нэмэлт, өөрчлөлт оруулах тухай болон Дээд боловсролын тухай хуулийн төслийн зарим зүйлийг хүчингүй болсонд тооцох тухай" хуулийн төслүүдийг хэлэлцэх эсэх асуудлыг хэлэлцсэн.

Уг асуудлыг хэлэлцэж байх үеэр УИХ-ын гишүүн Л.Энх-Амгалан, Г.Занданшатар, Н.Учрал нар дээд боловсролын тогтолцоонд өөрчлөлт хийх цаг болсон, боловсролын хууль бизнесийг дэмжсэн хууль болж байгаад эрс шүүмжилтэй хандаж байлаа.  

Гишүүд үг хэлж, байр байр сууриа илэрхийлсний дараа эдгээр хуулийн төслүүдийг хэлэлцэх нь зүйтэй гэсэн саналын томъёоллоор санал хураахад 49 гишүүн оролцож, 27 гишүүн зөвшөөрч, 55,1 хувийн саналаар хэлэлцэхийг дэмжсэн юм.

Ингээд хуулийн төслүүдийг анхны хэлэлцүүлэгт бэлдүүлэхээр Нийгмийн бодлого, боловсрол, соёл, шинжлэх ухааны байнгын хороонд шилжүүллээ.