Өнгөрөгч онд УИХ-аар батлагдсан багагүй хүлээлт, шуугиан дагуулан байж батлагдсан хууль бол Гэр бүлийн хүчирхийлэлтэй тэмцэх тухай хууль юм.

2016 оны 9 дүгээр сарын 9-нд Засгийн газраас өргөн мэдүүлсэн уг хуулийн төсөлд эргэн харах, засч сайжруулах шаардлагатай зүйлс байна гэж үзээд УИХ-аас ажлын хэсэг гарч, 2 сар гаруй ажилласан юм.

Үүний дүнд мөн оны 12 дугаар сарын 15-нд төслийн эхний хэлэлцүүлгийг хийж, 7 хоногийн дараа буюу 12 дугаар сарын 22-нд Гэр бүлийн хүчирхийлэлтэй тэмцэх тухай хуулийн төсөл батлагдсан билээ.

Эцсийн хэлэлцүүлгээр хуулийн төслийг бүхэлд нь батлахаар санал хураахад УИХ-ын 76 гишүүнээс 50 гишүүн оролцож, 43 гишүүн зөвшөөрч, 86 хувийн дэмжлэг авсан.

Хуулийн төсөл батлагдахыг дэмжээгүй 7 гишүүн хэн хэн байв?

- Ж.Ганбаатар

- Г.Занданшатар

- Н.Номтойбаяр

- Я.Санжмятав

- Д.Сарангэрэл

- Я.Содбаатар

- Ж.Энхбаяр

Гэр бүлийн хүчирхийлэлтэй тэмцэх тухай хуулийн шинэчилсэн найруулга батлагдсанаар өмнөх хуулийг хүчин болгох тухай санал хураалтад мөн нь УИХ-ын 76 гишүүнээс 50 нь оролцож, 43 гишүүн зөвшөөрч, 86 хувийн саналаар өмнөх хуулийг хүчингүй болгосон.

Өмнөх хуулийг хүчингүй болохыг дэмжээгүй 7 гишүүн хэн хэн байв?

- Ж.Ганбаатар

- Д.Ганболд

- Л.Оюун-Эрдэнэ

- Я.Санжмятав

- Д.Сарангэрэл

- Я.Содбаатар

- Ж.Энхбаяр

Шинэ хуулийн төслийг ч дэмжээгүй, өмнөх хуулийг хүчингүй болгохыг ч дэмжээгүй 5 гишүүн хэн хэн байв?

- Ж.Ганбаатар

- Я.Санжмятав

- Д.Сарангэрэл

- Я.Содбаатар

- Ж.Энхбаяр

Гэр бүлийн хүчирхийлэлд өртөгсдийн 98 хувь нь хүүхэд, эмэгтэйчүүд бий гэсэн тоо бий. Энэ ч утгаараа уг гэмт хэрэгтэй тэмцэх хууль эрх зүйн орчныг бүрдүүлэхэд УИХ-ын эмэгтэй гишүүд хамгийн их идэвх, чармайлт гаргах хэрэгтэй гэж нийгэм шаарддаг.

Тэгвэл шинэчилсэн хуулийн төслийг ч дэмжээгүй, өмнөх хуулийг хүчингүй болгохыг ч дэмжээгүй буюу хоёр удаа эсрэг кноп дарсан цор ганц эмэгтэй гишүүн Д.Сарангэрэл болж байна.

Гэр бүлийн хүчирхийлэлтэй тэмцэх тухай хуулийг дэмжээгүй цорын ганц эмэгтэй гишүүн