УИХ-ын гишүүн Л.Энхболдын ивээл дор ахмадын баярыг угтаж, улс эх орныхоо хөгжил дэвшилд үнэтэй хувь нэмэр оруулсан ахмадуудаа хүндэтгэх, залуу хойч үеэ тэдний хөдөлмөрч уламжлалаар хүмүүжүүлэх, тэднийхээ санал санаачилгыг төр засагт уламжлах, ажил хэрэг болгох зорилгоор зохион байгуулсан “АХМАДАА СОНСЪЁ” арга хэмжээ боллоо.

Энэхүү арга хэмжээний хүрээнд Өмнөговь аймгийн 15 сумын 230 гаруй ахмад 3 өдрийн турш урлаг, спортын нөхөрсөг уралдаан тэмцээнүүд, уулзалт хэлэлцүүлэгт оролцон, шилдгүүдээ тодруулж, төрд дайх санал хүсэлтээ хэлэлцлээ.

“АХМАДАА СОНСЪЁ” хэлэлцүүлэгт ахмадууд маань өв соёл, уламжлалаа хойч үедээ өвлүүлэх, аймаг, орон нутаг болоод улс, эх орныхоо хөгжлийн талаар үнэтэй санал санаачилга дэвшүүлэн, алтан сургаалаа хайрлаж байлаа. Ахмад буурлуудийхээ дэвшүүлсэн санал санаачилгыг төр засагт уламжилж, ажил хэрэг болгохын төлөө хичээнгүйлэн зүтгэхээ илэрхийллээ. Мөн энэ сайхан үйл ажиллагааг зохион байгуулахад хамтарч ажилласан Аймгийн ахмадын хороо, сумдын нийт удирдлагууд болон хүрэлцэн ирж оролцсон азай буурлууддаа чин сэтгэлийн талархал илэрхийллээ.

Ахмадаа сонсъё арга хэмжээ амжилттай боллоо

Ахмадаа сонсъё арга хэмжээ амжилттай боллоо