Байгаль орчин, хүнс, хөдөө аж ахуйн байнгын хорооны өнөөдрийн /2019.11.19/ нэгдсэн хуралдаанаар Байгаль орчныг хамгаалах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Энэ үеэр УИХ-ын гишүүн Б.Бат-Эрдэнэ

Нийтдээ 19 багц хуульд нэмэлт өөрчлөлт оруулах юм байна. Эндээс яг ямар үр дүн гарах вэ? Урт нэртэй хуулийн хэрэгжилтийг хангуулах чиглэлээр энд эерэг өөрчлөлт орох уу?  Ерөнхий сайд байгаль орчин нөхөн сэргээлтийн асуудал дээр нэлээд эрс шийдэмгий арга хэмжээнүүд авч байгаа энд Их хурал бодлогын дэмжлэг үзүүлэх хэрэгтэй.

Утааны асуудал дээр яг жилийн өмнө өдөр болгон Д.Тэрбишдавга гишүүн бид хоёр чуулган дээр шаардсаар байж ажлын хэсэг гаргаж шалгахад утаатай тэмцэх Цэвэр агаар сан үндсэндээ зогссон байсан. Их хурлаас хуулинд нь өөрчлөлт оруулаад энэ хүрээнд Засгийн газар эрс шийдэмгий арга хэмжээ авч хэрэгжүүлж байгаагийн нэг нь Сайжруулсан түлш. Одоо байгаль орчноо хамгаалах асуудал дээр эрх зүйн үндсийг нь сайжруулж өгөх хэрэгтэй байна. Байгаль орчны багц хуулинд ийм нааштай өөрчлөлт орсон уу? 

Хэнтий аймгийг түүхэн аялал жуулчлалын бүс болгосон. Гол бүс нутаг нь Хэрлэний хөдөө арал Хэнтий аймгийн Дэлгэрхаан сум. Бид 10 жил хамгаалж байж уул уурхайгаас хамгаалсан. Аварга Тосонг сэргээх тал дээр 200 сая төгрөг тусгасан.