Хөдөлмөр эрхлэлт дэмжих сангаас УИХ-ын гишүүдийн хамаарал бүхий компани зээл авсан гэсэн мэдээлэл гараад байгаа. Энэ талаар ЗГХЭГ-ын дарга Л.Оюун-Эрдэнээс тодрууллаа.

-Хөдөлмөр эрхлэлтийг дэмжих сангаас УИХ-ын гишүүд зээл авсан гэсэн мэдээлэл гараад байгаа. Энэ үнэн үү?

-АТГ дээр шалгагдаж байгаа гэж ойлгосон. Тэр байгууллага нь нотлох байх. Би хэвлэлийн мэдээлэлтэй л байна. Энэ асуудлыг албан ёсоор намын бүлгийн хурлаар одоогоор яриагүй.

-Намын бүлэг дээр энэ асуудлыг яриад гадагшаа задруулж болохгүй гэсэн чиглэл өгсөн гэсэн?
-Энэ үндэслэлгүй мэдээлэл. 

-500 гаруй хятад иргэнд виз олгосон асуудлыг шалгаж байгаа. Энэ асуудал юу болсон бэ?

-Хөххот, Эрээнтэй холбоотой Засгийн газрын шалгалт дууссан. Засгийн газрын хуралдаан дээр танилцуулж амжаагүй байна. Хоёр дахь өдөр Ерөнхий сайд ОХУ руу айлчлалд явсан. Ирэх долоо хоногийн Засгийн газрын хуралдаанд танилцуулна.