Сандагсүрэн.Ж 2020.01.06 | Дүүргийн Хэвлэл мэдээллийн алба

Сонгинохайрхан дүүргийн нэг гудамжны 10 айл хийгээр халж, утаа гаргахгүй боллоо

Сонгинохайрхан дүүргийн нэг гудамжны 10 айл хийгээр халж, утаа гаргахгүй боллоо

Сонгинохайрхан дүүргийн 11-р хорооны нэг гудамжны 10 айлын дулааны асуудлыг хийн халаагуураар шийдсэн талаар Сонгинохайрхан дүүргийн засаг дарга Ж.Сандагсүрэн мэдээлжээ.

Тэрбээр “Бид хэдийгээр сайжруулсан түлш хэрэглэж байгаа ч гэсэн агаар орчны бохирдлыг бууруулах хамгийн сайн шийдэл болж чадахгүй л байна. Тиймээс 11-р хорооны нэг гудамжийг жишиг болгож байшинтай 10 өрхийг хийн халаагуурт холболоо.Гэхдээ эхний ээлжийн угсралтын зардлыг бууруулахгүй бол нийтийн хүртээл болгоход бага зэргийн хүндрэл гарахаар байна. Ямартай ч бид ийм шийдэл байж болох юм гэдгийг харуулахыг зорьж байна” гэжээ.

Хийн халаагуурын анхны суурилуулах зардал 6-7 сая төгрөгийн өртөгтэй юм байна.

Хийн халаагууртай болсон айлуудын сарын дундаж зардал 120-180 мянган төгрөг болж байгаа бөгөөд энэ нь нүүрс, түлээний зардалтай ойролцоо тусч байгааг холбогдох хүмүүс хэлж байлаа.