УИХ-ын Эдийн засгийн байнгын хорооны өнөөдрийн /2020.01.08/хуралдаанаар Засгийн газраас өргөн барьсан Баялгийн өгөөжийг ахмадуудад хүртээж, тэтгэврийн зээлийг тэглэх хуулийн төслийг хэлэлцэх эсэх асуудлыг хэлэлцэж байна.

Энэ үеэр УИХ-ын гишүүн Б.Баттөмөр

Тэтгэвэрийн зээлийг нэг удаа тэглэе гэж байгаа арга хэмжээ хэрэгжүүлэх гэж байгаа схем ойлгомжтой байна. Төв банк ямар эх үүсвэрээр бондыг худалдаж авах гэж байна. 2012-2014 онд Монгол банкинд ажиллаж байсан хэсэг нөхдүүд Монгол банкны өөрийн хөрөнгийг -3 их наяд төгрөг болгочихсон байсан шүү дээ. 2018 оны гүйцэтгэлээр одоогийн ажиллаж байгаа хүмүүсийн зүтгэлээр энэ  тоог хасах 1.5 их наяд төгрөг болгож бууруулсан. Төв банк өнөөдрийн байдлаар хэр хэмжээний алдагдалтай байна вэ?

Мөн тэтгэврийн зээлийн хэмжээг тэглэх иргэн банк хоорондын харилцааг Засгийн газар батлах юм уу, үгүй юу. Засгийн газар оролцохгүй гэж төсөлд тусгасан байна. Ахмад настны эрхзүйн байдлын тухай хууль гэж бий. Энэ хуульд ахмад настны өөрийнх нь зөвшөөрөлгүйгээр тэтгэвэр, тэтгэмж, үл хөдлөх хөрөнгө шилжүүлэх, барьцаалахыг хориглоно гэсэн заалттай. Үүнийг яаж зохицуулж байгаа юм бэ?