Улсын Их Хурлын чуулганы өнөөдрийн (2020.01.16) хуралдаанаар Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад нэмэлт оруулах тухай” Улсын Их Хурлын тогтоолын төслийг /Засгийн газар 2019.09.25-ны өдөр өргөн мэдүүлсэн/ хэлэлцлээ.

Энэ үеэр УИХ-ын гишүүн Н.Амарзаяа

Усны агентлагаа хөдөө орон нутагт бүтцийн хувьд ямар бүтэцтэй байх боломж байгаа талаар ажлын хэсэг дээр ярьсан уу? Хөдөө орон нутагт ялангуяа говьд усны асуудал тулгамдсан асуудал. Орон тооны бус зөвлөл гэдэг хариуцлага тооцоход хэцүү тодорхойгүй байна. Энэ дээр анхаарлаа хандуулж ажилласан уу? 

Дэлхий нийтийн жишигт нийцүүлэн бид гүний усаа хамгаалмаар байна. Дэлхийд гүний усаа 80 гаруй хувиар ашигладаг туршлага байхгүй. Тиймээс энэ дээр нэмэлт зайлшгүй судалгаа шинжилгээн дээр суурилсан саналуудыг хууль эрх зүйд яаж тусгаж ажилласан бэ?