2021.02.23
ШӨХТГ-аас авто тээврийн асуудлаар Улсын онцгой комисс болон Авлигтай Тэмцэх Газарт хандана
ШӨХТГ- аас авто тээврийн асуудлаар УОК болон АТГ-т хандана.
ШӨХТГ-ын дарга Б.Бат-Эрдэнэ өнөөдөр Алтанбулаг-Улаанбаатар-Алтанбулаг тээврийн үйл ажиллагаа, үнийн хөөрөгдөлтэй холбогдуулан Монголын автотээвэрчдийн нэгдсэн холбоо болон Сэлэнгэ аймгийн автотээвэрчдийн холбоо, хувь жолооч, аж ахуйн нэгж, гишүүн байгууллагын төлөөлөлтэй уулзалт хийлээ.
Тус уулзалтанд оролцогчдын байр суурийг үндэслэн ШӨХТГ дараах шийдвэрүүдийг гаргасан байна.
- Монголын авто тээвэрчдийн нэгдсэн холбоо нь үнийг харилцан тохиролцож жишиг үнэ нэрийдлээр 2,800,000 төгрөгийг тээвэрлэлт дээр тогтоосон учраас УОК-т хандахаар боллоо.
- Туслан гүйцэтгэгч авч ажиллуулахдаа УОК-ын шийдвэрийг хэрэгжүүлэхдээ давуу байдал олгосон, эрх ашгийн сонирхол үүссэн байх магадлалтай гэж үзэн Авлигатай Тэмцэх Газар-т хандахаар боллоо.
- Үнийн үгсэн тохиролцсон хэлбэр агуулсан учраас Шударга өрсөлдөөн, хэрэглэгчийн төлөө газраас хяналт шалгалтын ажлыг эхлүүлэхээр боллоо.
