Завхан аймгийн Англи хэлний багш нар Олон Улсын Мэргэшсэн багшийн сургалтад хамрагдаж байна
2021.05.11

Завхан аймгийн Англи хэлний багш нар Олон Улсын Мэргэшсэн багшийн сургалтад хамрагдаж байна

“Балжиннямын Баярсайхан Сан”-гаас санаачлан Австралийн сайн дурынхан хөтөлбөртэй (АСДХ) хамтран зохион байгуулж байгаа Завхан аймгийн 24 сумын 34 англи хэлний багш нарт зориулсан “10 долоо хоногийн англи хэл”-ний сургалт эхэллээ.

Сургалтыг ОУ-ын мэргэшсэн англи хэлний багш Гүнтер Брүүк удирдаж байна. Өмнө нь Гүнтер Брүүк багш Завхан МУИС болон Улиастай хотын ЕБС-ын багш нарт 3 сарын IELTS-н бэлтгэл сургалтыг удирдан явуулсан билээ. Энэ удаагийн сургалтад Завхан аймгийн бүх сумын сургуулийн англи хэлний багш нар хамрагдаж байгаагаараа онцлог бөгөөд ач холбогдолтой болж байна.


Түүнчлэн англи хэлний багш нарын чадвар сайжирсанаар цаашид орон нутгийн ЕБС төгсөгчид олон улсын магадлан итгэмжлэлтэй хөтөлбөр бүхий их дээд сургуульд элсэн орох боломж нэмэгдэх сайн талтай. Удахгүй “Балжиннямын Баярсайхан Сан”-аас ахлах ангийн сурагчдын англи хэлний мэдлэгийг дээшлүүлэх TOEFL, IELTS-ийн шалгалтанд бэлдэх цахим сургалтуудыг зохион байгуулахаар төлөвлөн ажиллаж байна.

Сэтгүүлч

Сэтгүүлч Ц.Соёлмаа soyolmaa@vip76.mn