УИХ-ын гишүүн Н.Наранбаатар Замын Хөдөлгөөний Аюулгүй Байдлын Үндэсний Зөвлөлд санал хүргүүллээ.

Даланзадгад-Мандалговь-Төв аймгийн чиглэлийн авто зам дагуу хөдөлгөөний аюулгүй байдлыг хангах талаар үүрэг, чиглэл өгөх, зөвлөмж гаргах, зохион байгуулалтыг оновчтой болгох хуулиар олгогдсон бүрэн эрхээ хэрэгжүүлэн ажиллаж, иргэдийн аюулгүй нөхцөлд авто замаар зорчих нөхцөлийг бүрдүүлэхийг уг саналд тусгажээ.

Тодруулбал, Төв аймгийн Сэргэлэн сумын нутаг дэвсгэрт байрлах сайжруулсан шахмал түлшний үйлдвэрийн ачиж, буулгах талбайд нүүрс буулгахаар дугаарлан зогсож буй хүнд даацын тээврийн хэрэгслүүд авто замын зорчих хэсэг дээр дугаарлан зогсох нь нэмэгдсэнээр Төв, Дундговь, Өмнөговь аймаг луу зорчих авто замын хөдөлгөөнд тээврийн хэрэгслээр оролцож байгаа иргэдийн аюулгүй байдал алдагдаж, холбогдох хуулийн хэрэгжилт үргэлжилсээр байна.

... Сайжруулсан шахмал түлшний тээвэрлэлт өвлийн улирал дуусгавар болох хүртэл хугацаанд үргэлжлэх тул Замын хөдөлгөөний аюулгүй байдлын тухай хуулийн 7 дугаар зүйлийн 7.6.4 дэх хэсэгт заасан замын хөдөлгөөний аюулгүй байдлыг хангах талаар үүрэг, чиглэл өгөх, зөвлөмж гаргах бүрэн эрхээ хэрэгжүүлэн иргэдийн аюулгүй нөхцөлд авто замаар зорчих нөхцлийг бүрдүүлж өгнө үү гэжээ.