СХД-ийн 41-р хороо нь 0-5 насны 1170 гаруй хүүхэдтэй. Тус хороонд байрлалтай 158-р цэцэрлэгийн салбар бүлэг болох гэр цэцэрлэг 125 хүүхэдтэй бөгөөд гэр цэцэрлэгийн шинэ байрны шавыг тавьлаа.

Тус цэцэрлэг үүсгэн байгуулагдсан цагаасаа хойш 2950 гаруй хойч ирээдүй болсон бяцхан багачуудад сургуулийн өмнөх боловсрол олгоод байна.

Сургууль цэцэрлэгийн хүртээмж өнөөгийн нөхцөлд тулгамдаж байгаа асуудлын нэг юм. ХЗДХ-ийн сайд Х.Нямбаатар, "Нямбаатар сан" болон УИХ-ын гишүүн Б.Жаргалмаа нарын санаачлагаар шинэ цэцэрлэг байгуулагдахаар боллоо.

75 ортой тус цэцэрлэгийн барилгын ажлыг "Саруул-Өглөө" ХХК гүйцэтгэж 2022 оны 8-р сарын 1-нд хүлээлгэн өгнө.