УИХ-ын гишүүн Н.Наранбаатар Өмнөговь аймгийн Ханхонгор сумын удирдлагуудын хамт БШУ-ны сайд болон яамны төлөөллүүдтэй уулзаж, санал хүсэлтээ илэрхийлсэн юм.

Тус сумын ЕБС-ийн статусыг CУИС-ийн харьяа Мэргэжлийн сургалт, үйлчилгээний төв болгон өөрчилж говийн 5 аймгийг хамарсан соёлын ажилтан бэлтгэх сургууль болгох тухай хүсэлтээ уламжилсан байна. Хүсэлтийг судалж үзэхээр яамны холбогдох мэргэжилтнүүд, СУИС, Хөгжим бүжиг зэрэг мэргэжлийн сургуулиудын удирдлагуудыг оролцуулсан ажлын хэсэг гарч ойрын үед тус сургууль дээр ажиллахаар болсон байна.