Баянзүрх дүүргийн иргэдийн спортын Х наадамд аваргалж, Нийслэлээс хүрэл медаль хүртсэн волейболын багийнхантай ИТХ-ын дарга А.Баяр уулзаж, талархал илэрхийллээ

Баянзүрх дүүргийн хэмжээнд иргэдийн спортын Х дугаар наадмыг зохион байгуулсан. Баянзүрх дүүргийн 43 хорооны баг тамирчдаас волейболын төрөлд 40 дүгээр хорооны Б.Хашхүү ахлагчтай залуус аваргалсан. Тэд нийслэлийн бусад дүүргийн аваргуудтай өрсөлдөж хүрэл медаль хүртсэн бахдам амжилт үзүүлсэн билээ.

Хороогоо төлөөлөн цаг заваа зарцуулан бэлтгэл хийж, ийнхүү амжилт үзүүлсэн залуусыг өнөөдөр Баянзүрх дүүргийн ИТХ-ын дарга А.Баяр хүлээн авч уулзан, талархал илэрхийллээ.

Анх багаа хэрхэн бүрдүүлсэн талаар 40 дүгээр хорооны Засаг дарга Ц.Одонтөгс “Манай хорооны “Монгол” хотхон 780 өрхтэй. Эдгээр өрхүүдийн дунд СӨХ-оос нь санаачлан волейболын тэмцээн зохион байгуулахдаа намайг урьж оролцуулсан. Эдгээр залуус маань байр байраараа баг болоод өрсөлдөж байснаас өнөөдрийн бүрэлдэхүүнээр баг байгуулан, тэмцээн уралдаанд оролцоод амжилт үзүүллээ.

Багийн гишүүд 1986-1991 оны залуус байгаа” хэмээн хэлсэн юм.

Багийн залуусын хувьд хувиараа хөдөлмөр эрхлэхээс гадна төрийн албан хаагчид ч байгааг тэд хэлж байсан.

ИТХ-ын дарга А.Баяр “Баянзүрх дүүрэгт амьдрах таатай орчныг бий болгохын төлөө зохистой төлөвлөлт, оновчтой хөрөнгө оруулалтыг төлөвлөх зорилгоор “Хөгжлийн зураглал 2030” бодлогын бичиг баримтыг боловсруулсан. Залуустаа цаашид илүү олон боломжуудыг бий болгоно гэдэгт итгэлтэй байна” хэмээн хэлээд багийн залууст “Хөгжлийн зураглал 2030” номын дээжээс гардуулан талархал илэрхийллээ.

Нийслэлийн спортын тэмцээнд амжилт гаргасан БЗД-ийн волейболын багийхантай уулзав