УИХ-ын чуулганы /2025.12.18/-ны хуралдаанаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцүүллээ.Хэлэлцүүлж буй асуудалтай холбогдуулан УИХ-ын гишүүн О.Саранчулуун асуулт тавилаа.Баяр ёслол нь заншил гэхээсээ илүү хүмүүсийн сэтгэл зүйд дархлааг бий болгож өгдөг нийгмийн үйл ажиллагаа юм. Гэхдээ нөгөө талд энэ өдрийг сунгахтай холбоотой ямар сөрөг үр дагаврууд байдаг вэ гэхээр яаралтай тусламжийн үйлчилгээнүүд, тэр дундаа нийгмийн эмзэг бүлгүүдэд байнгын хэрэгтэй үед тусламж үйлчилгээний хүртээмжид ямар өөрчлөлт гарч болохыг судалж үзсэн болов уу? Хэдийгээр бүх нийтээрээ баярлаад амардаг боловч эрүүл мэнд, хүний амь нас, ялангуяа нийгмийн үйлчилгээ, эрүүл мэндийн үйлчилгээ авдаг бүлгүүдэд тэр үеэр бүх юм нь хаагдчихаар орхигдох асуудал үүсдэг. Мөн баяр ёслолын үеэр хамгийн ихээр гэмтэл ослын дуудлагууд бий болдог. Энэ тал дээр ямар үр дагавар гарахыг тодруулъя!
УИХ-ын чуулганы /2025.12.11/-ний өдрийн хуралдаанаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хэлэлцлээ.Хэлэлцэж буй асуудалтай холбогдуулан гишүүд асуулт асуулаа.УИХ-ын гишүүн А.Ариунзаяа:Хуулийн төслийг дэмжихгүй байгаа юм. Яагаад дэмжихгүй байгаа вэ гэхээр Хөдөлмөрийн сайдаар ажиллаж байхад Хөдөлмөрийн тухай хууль чуулганаар хэлэлцэж байсан. Ц.Мөнхоргил гишүүн тухайн үед ажлын хэсгийг ахалж байсан. Хөдөлмөрийн тухай хууль дээр Засгийн газар өдөр зөөх боломжтой байсныг тухайн үедээ энэ заалтыг хүчингүй болгож байсан. Засгийн газар өдөр зөөх энэ эрхээ хэтэрхий тулгаж, замбараагүй, уймраа аж ахуй нэгжүүд, иргэдэд хүндрэл учруулж байсан юм. Календарийн оногдсон өдөртөө тухайн баяр нь болдгоороо болоод хүмүүс ажлаа төлөвлөдөг байх хэрэгтэй. Өдөр зөөвөрлөх эрхийг Засгийн газарт эргүүлээд өгөх шаардлагатай байх. Тухайн жилийн эхний 7 хоногтоо баярын өдрүүд хэрхэн ямар байх вэ гэдгийг эртнээс төлөвлөгөөгөө гаргаад түүнийгээ хөдөлгөдөггүй байх нь зохистой юм.
УИХ-ын чуулганы /2025.12.11/-ний өдрийн хуралдаанаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хэлэлцлээ.Хэлэлцэж буй асуудалтай холбогдуулан гишүүд үг хэлэв.УИХ-ын гишүүн П.Сайнзориг:Амралтын өдрүүдэд нийтээр амрах баярын өдрүүд таарвал ЗГ тодорхой хэмжээний тохируулга хийж ажлын өдрүүдийг шилжүүлэх байдлаар явдаг. Тэгэхдээ үүнийг тулгаж хийгээд хувийн хэвшилд төвөг учруулдаг. Ажил төрлөө зохицуулахаас эхлээд тухайн байгууллагын санхүүд ачаалал өгдөг. Мэдээж нийтээр тэмдэглэх баярын өдрүүдийг ажлын өдөр болгочихоор цалин тодорхой хэмжээнд нэмэгдэж олгох ёстой. Үүнийгээ дагаад НДШ-ийг ч гэсэн ахиу төлнө гэсэн үг. Ажил олгогч талаас, хувь хүн ч гэсэн олж байгаа орлогынхоо хэмжээгээр төлнө. Ийм зүйлсийг тулгаж хийгээд их хүндрэл учруулдаг. ЗГ амралтын өдрүүдийн тохируулгыг хийхдээ өмнөх жилийн 12 сард шийдвэрээ гаргаад нийтэд зарлачихдаг байвал хялбар гэж бодож байна. Одоогоор дараагийн ажлын өдрүүдэд шилжүүлнэ ээ гэж хатуу хуульчлах гэж байна л даа. Гишүүдийн хэлээд байгаа зүйлүүд ч ортой. Нэг талдаа ажил амралтаа зөв тохируулах нь хувийн хэвшил, бизнес төлөвлөгөөнөөс эхлээд хүний нөөц, бүх зүйлтэй уялдуулж ажиллах бололцоог олгож байгаа. Үүнийг дагаад ямар хэмжээний ийм санхүүгийн болоод эдийн засгийн нөлөө ААНБ-д гардаг уу? Нийгэмд нөлөө үзүүлдэг үү? Үүнийг тооцож гаргасан уу? Ачаалал эдийн засгийн агуулга талаасаа хувийн хэвшилд ачаалал өгөхөөсөө гадна энэ зүйлийг зорьж байгаа суурь шалтгааныг нийгэмд зөв ойлгуулах нь зөв байх. Түүнээс биш УИХ нэг ажил амралтын өдрүүдийг зохицуулах гээд байгаа биш. ЗГ-ын заримдаа үзэмжээр шийдчихээд байгаа энэ асуудлыг шийдье л гэж байх шиг байгаа юм энэ хуулиар. Тэгэхдээ 2026 онд уг тохируулгыг хийхдээ 2025 оны 12 сард ЗГ нь зарлачихад л болох юм байгаа юм.
