Үндсэн хууль
Өргөн барьсан: 2026/03/30
Өргөн барьсан: 2025/12/29
Өргөн барьсан: 2024/05/30
Өргөн барьсан: 2018/05/29
Өргөн барьсан: 2018/01/30
Өргөн барьсан: 2016/12/28
УИХ-ын чуулганы /2026.06.12/-ны өдрийн хуралдаанаар Хувь хүний орлогын албан татварын тухай хуульд өөрчлөлт оруулах тухай хуулийн төслийг хэлэлцлээ.Хэлэлцэж буй асуудалтай холбогдуулан УИХ-ын гишүүн УИХ-ын гишүүн О.Саранчулуун дараах байр суурийг илэрхийллээ.Нэгт, Хөгжлийн бэрхшээлтэй хүмүүст чиглэсэн татварын хөнгөлөлтүүд байдаг. Манайхан харин "чи тэндээсээ авчихсан юм чинь эндээс давхар авч болохгүй" гээд хасчихдаг. Үүн дээр ямар зохицуулалтыг тооцов? Хоёрт, хүн амын орлогын албан татвараас хамааралтай төсвийн хөрөнгө оруулалт нь буурвал татварын хөнгөлтын үр өгөөж нь сайн ч нөгөө талдаа тэр мөнгөөр санхүүждэг нийгмийн зорилтот бүлгийн төсөл хөтөлбөрүүдийн мөнгө зардлыг яаж нөхөх вэ? Бууруулахгүй байх тасалдуулахгүй байх чиглэлд баталгааны ямар тооцоолол хийв? Хөгжлийн бэрхшээлтэй иргэд , ахмад настан зэрэг зорилтот бүлэгт буюу улсад татвар төлдөггүй иргэдэд хүрч байгаа үйлчилгээнүүд санхүүжилтийг нь бууруулахгүй байх хамгаалалт хийсэн үү?
УИХ-ын чуулганы /2026.06.12/-ны өдрийн хуралдаанаар Хувь хүний орлогын албан татварын тухай хуульд өөрчлөлт оруулах тухай хуулийн төслийг хэлэлцлээ.Хэлэлцэж буй асуудалтай холбогдуулан УИХ-ын гишүүн Б.Уянга дараах байр суурийг илэрхийллээ.Хуулийн төслийг өргөн барьсан гишүүдээсээ уучлалт хүсэж байгаад нэг зүйлийг хэлье. Батлагдвал өргөн барьсан гишүүдэд сайн, батлагдахгүй бол бүүр сайн гэдэг л хуулийн төсөл гэж харж байгаа. Үүний шалтгааныг танилцуулъя. ХХОАТ-ыг бууруулчих юм бол авлигал багасна гээд миний өмнө үг хэлсэн гишүүн хэллээ.гарлаа. Яг шалтгаан, шаардлага нь юу юм бол? Эдийн засгийн хүрээлэнгийн 2024 оны татварын ачааллын судалгааг харлаа. Хамгийн өндөр татварын ачаалал ярьж байгаа нь ААНОАТ хувиараа тооцоотойгоо байгаа. Яагаад үүнийг барьж авахгүйгээр ХХОАТ нэг хувь гээд, судалгаа байхгүй тоог гаргаж ирээд өдий хүртэл явж байгаа юм бэ. Мөн ХХОАТ-ын нэг хувь болгосноор ядуурлыг бууруулна гэсэн, үүнийг эдийн засагт бий болох мөнгөний нийлүүлэлтээсээ яаж хамгаалах вэ.
УИХ-ын чуулганы /2026.05.22/-ны нэгдсэн хуралдаанаар Хувь хүний орлогын албан татварын тухай хуульд нэмэлт, өөрчлөлт оруулах тухай хуулийн төслийг хэлэлцлээ.Хэлэлцэж буй асуудалтай холбогдуулан гишүүд асуулт асууж, байр сууриа илэрхийллэУИХ-ын гишүүн Д.Энхтүвшин:Хүн амын орлогын албан татвар нь сум, дүүрэг, орон нутгийн зэрэглэлтэй хот тосгоны төсвийг бүрдүүлдэг гол татвар. Энэ татвар нь бусад татвартай адилхан биш, төсөв дээр ирэх нөлөөлөл нь 2 дахин үржигддэг. Өөрөөр хэлбэл тухайн орон нутаг, сум дүүргийн татварын орлого нь байхгүй болчихоор хасагдсан дүнгээр төсвөөс тодорхой хэмжээний дутагдсан дүнг нь нөхөж өгөх зайлшгүй шаардлага үүсдэг. Иймд үүнийш хариуцлагатай, сайн ярилцаж, шийдлүүдийг нь ярих ёстой.
