Invalid YouTube URL
Улсын Их Хурлын чуулганы өнөөдрийн хуралдаанаар Импортын барааны гаалийн албан татварын хувь, хэмжээг батлах тухай тогтоолын хавсралтад нэмэлт оруулах тухай Улсын Их Хурлын тогтоолын төслийг хэлэлцэх эсэх асуудлыг хэлэлцлээ. Дээрх илтгэлтэй холбогдуулан Улсын Их Хурлын гишүүд салбарын сайд болон ажлын хэсгийнхэнд хандаж асуулт тавьж хариулт авав. УИХ-ын гишүүн Г.Баярсайхан: Хөдөө аж ахуйн салбарыг төрөөс дэмжих бодлогын нэг хэсэг явж байна. Манай байнгын хороогоор хөдөө аж ахуйн салбарыг дэмжих бондын асуудлыг дэмжсэн. Арьс ширний бондыг сүүлийн хуралдаанаараа дэмжээд гаргасан ч хэрэгжилт явахгүй байна. Эрчимжсэн фермийг тоног төхөөрөмжийн хамт бодлогоор дэмжээд явах нь зүйтэй болов уу. Бондын мөнгөнөөс бодитой санхүүжиж, шийдэгдсэн зүйл байхгүй. Энэ бол өндөр ашиг шимтэй нөхцөл шаардсан үйлдвэр орж ирж байгаа. Цаашид нөхцлийг нь бүрдүүлж өгөх ёстой. Бондын мөнгөнөөс бодитой санхүүжиж, шийдэгдсэн зүйл алга. Төр олж буй мөнгөө хөдөө аж ахуйн салбарт харамгүй зарцуулсанаар тодорхой хэмжээний үр дүн гарч байгаа. Атрын аянаар яах аргагүй бид дотоодоосоо улаан буудайгаа 100 хувь үйлдвэрлэж байгаа. Цаашид атрын аяны зарчим цаг хугацаатайгаа уялдан шинэчлэгдэж байх ёстой.
2013-05-17
Улсын Их Хурлын чуулганы өнөөдрийн хуралдаанаар Импортын барааны гаалийн албан татварын хувь, хэмжээг батлах тухай тогтоолын хавсралтад нэмэлт оруулах тухай Улсын Их Хурлын тогтоолын төслийг хэлэлцэх эсэх асуудлыг хэлэлцлээ. Дээрх илтгэлтэй холбогдуулан Улсын Их Хурлын гишүүд салбарын сайд болон ажлын хэсгийнхэнд хандаж асуулт тавьж хариулт авав. УИХ-ын гишүүн Д.Оюунхорол: Хөдөө аж ахуйн чиглэлээр төрөөс баримтлах бодлого, өмнөх 4 жилд гаргасан монгол мал хөтөлбөр нь малчдын болоод мал аж ахуйн талаар олон арга хэмжээг авч хэрэгжүүлсэн. Өнөөдрийн орж ирж байгаа тогтоол ч эрчимжсэн мал аж ахуйг дэмжихэд тодорхой хувь нэмрээ оруулна гэж ойлгож байна. Цаашид хөдөө аж ахуйн салбарыг хоршиж, хамтарч хөдөлмөр эрхэлдэг, бэлчээрээ гамнадаг, ургамлын төрөл гарлаа сайжруулж МАА-гаа өсгөхийн тулд газраа өөрсдөө тордож амьдардаг арга ухаанд сургах. Тийм төрлийн үйл ажиллагааг дэмжих чиглэлээр Засгийн газраас олон арга хэмжээг авч хэрэгжүүлээсэй гэж хүсч байна гэв. Түүнчлэн залуу малчдыг дэмжсэн бодлого явуулах хэрэгтэй. Залуу малчдыг дэмжихийн тулд малынх нь тоог нэмэгдүүлж, тэднийг дэмжсэн малжуулах төслийг хэрэгжүүлэх шаардлагатай. Хөдөө орон нутагт жижиг дунд үйлдвэрийг дэмжих бодлогын хүрээнд малчдыг малжуулах төслийг үйлдвэрлэгч гэдэг утгаар нь авч үзэн төслийг хэрэгжүүлэх нь чухал. Монгол мал хөтөлбөр малчдын болоод мал аж ахуйн талаар олон арга хэмжээг авч хэрэгжүүлсэн. Нөгөө талаас малчдын өөрсдийнх нь хоршиж, хамтарч байгуулж байгаа ТББ, хоршоо, багаараа ажиллаж буй тэр бүлэг хэсгийг дэмждэг хууль эрх зүйн орчин зайлшгүй шаардлагатай байна. Малчид дундын мал аж ахуй, сан байгуулж малаа өсгөн үржүүлэхээр олон зүйл хийж байгаа ч төрийн дэмжлэг, хууль эрх зүйн орчин байхгүй. Үүнийг хуулиар баталгаажуулж өгөх хэрэгтэй байгааг хэллээ.
Улсын Их Хурлын чуулганы өнөөдрийн хуралдаанаар Импортын барааны гаалийн албан татварын хувь, хэмжээг батлах тухай тогтоолын хавсралтад нэмэлт оруулах тухай Улсын Их Хурлын тогтоолын төслийг хэлэлцэх эсэх асуудлыг хэлэлцлээ. Дээрх илтгэлтэй холбогдуулан Улсын Их Хурлын гишүүд салбарын сайд болон ажлын хэсгийнхэнд хандаж асуулт тавьж хариулт авав. УИХ-ын гишүүн Г.Батхүү: Манай ихэнх яамдууд аж ахуйн үйл ажиллагаа руу чиглэн ажиллаж байна. Уг нь бодлогын яамдууд байгаа. Түүний ажлыг хэрэгжүүлдэг агентлаг, улсын үйлдвэрийн газрууд дор нь ажиллаж байгаа гэж ойлгож байгаа. Малын үйлдвэр угшилтай холбоотой ямар бодлого байна. Аль бүс нутагт нь цэвэр Монгол үйлдвэрийн угшлын ямар мал байх, аль хэсэгт нь эрчимжсэн мал аж ахуйг давуу хөгжүүлэх вэ гэх мэт олон асуудлыг бодлогоор тодорхойлж, ойлгомжтой болгох ёстой. Монгол цэвэр үйлдвэрийн мал тэсвэр хатуужил, амьдрах чадвар сайтай, хямд өртгөөр өсгөж үржүүлж болдог гэх мэт олон сайн талуудтай. Сүүлийн үед бодлогогүй эрлийзжүүлэх ажиллагаатай холбоотой малын энэ сайн чанарууд алдагдаж, Монгол угшлын цэвэр үйлдвэрийн мал цөөрөх хандлагатай байна. Үүнийг бодлогын яам анхаарч тодорхой бичиг баримт гаргах ёстой. Хувийн хэвшлийнхэн эцэг мал оруулж ирж үржүүлэг явуулж байгаа ч энд төрийн нэгдсэн бодлого дутагдаж байна. Мөн орон нутагт ажиллаж буй үйлдвэр угшлыг сайжруулах, малыг эрүүлжүүлэх, төрийн бодлогыг хэрэгжүүлэхээр 2-3 хүн сум бүрт ажиллаж байгаа. Энэ хүмүүсийн ажлыг хэн дүгнэдэг вэ. Цэвэр үйлдвэрийн эцэг мал оруулж ирэн эрлийзжүүлж байгаа, үр хөлдөөж оруулж ирж байгааг гэрчилгээжүүлэх асуудал манайд хийгдэхгүй байна. Энэ чиглэлээр яам бодлого явуулах хэрэгтэй. Хувийн хэвшлийнхэн маш их эцэг мал оруулж ирж үржүүлэг явуулж байгаа ч энд төрийн нэгдсэн бодлого дутагдаж байна. Түүнчлэн малчид гэртээ, хотондоо бүх мэргэжлийн ажлыг хийж байгаа. Малчдад мэргэжил олгох үнэмлэх олгож байгаа. Гэхдээ залуу малчдыг сургах, залуучуудыг мал аж ахуйн бизнес рүү оруулах хөшүүргийг төрөөс хэрхэн явуулах вэ гэв.
Улсын Их Хурлын чуулганы өнөөдрийн хуралдаанаар Импортын барааны гаалийн албан татварын хувь, хэмжээг батлах тухай тогтоолын хавсралтад нэмэлт оруулах тухай Улсын Их Хурлын тогтоолын төслийг хэлэлцэх эсэх асуудлыг хэлэлцлээ. Дээрх илтгэлтэй холбогдуулан Улсын Их Хурлын гишүүд салбарын сайд болон ажлын хэсгийнхэнд хандаж асуулт тавьж хариулт авав. УИХ-ын гишүүн С.Бямбацогт: С.Баяр, Н.Энхбаяр нарын Засгийн газрын үед эхлүүлсэн Атрын гуравдугаар аян үр дүнгээ өгсөн. Тэр үед бид нийт гурилынхаа 30 хувийг өөрсдөө үйлдвэрлэж, 70 хувийг импортоор авдаг байсан. Атрын гуравдугаар аяныг хэрэгжүүлж, үе үеийн их хурал, Засгийн газар дэмжиж явсаны үр дүнд Монгол Улс дотооддоо 100 хувь гурилаар хангаж байгаа. Цаашид төрийн бодлогоо ийм байдлаар залгамж чанартай явуулмаар байна. Мөн өнгөрсөн их хурал, Засгийн газрын үед Монгол мал хөтөлбөр, төрөөс малчдын талаар баримтлах бодлогын баримт бичгийг баталсан. Гэтэл энэ хууль салхи орохгүй дарагдчихсан байгаа. Малчдын орлогыг нэмэгдүүлэх олон бичиг баримт баталсан, батлах шаардлагатай. Хөдөө аж ахуйн биржийн хууль батлагдаад, хэрэгжээд явж байгаа. Энэ хуулийн зорилго бол олон шат дамжлагаар малчдын гар дээр хамгийн бага үнэ байдаг. Ченжээр дамжаад үйлдвэрлэгчдэд өндөр үнэтэй нийлүүлэгддэг дундаас нь хэсэг хүмүүс ашиг олдог. Энэ олон шат дамжлагыг болих. Хуулийн хэрэгжилт үр дүн хэр байгааг тодрууллаа. Төрийн албан хаагчдыг шаардаж үр дүн гаргаж, үр дүнг нь дүгнэхэд анхаарах хэрэгтэй. Мөн УИХ Засгийн газрын оруулж ирж байгаа асуудлыг байнга дэмждэг. Ялангуяа хөдөө аж ахуйн асуудлыг хоёр гар, хоёр хөлөө өргөөд дэмжиж байгаа. Харамсалтай нь хэрэгжилт нь тийм байна. Төрөөс цалин авч, төрийн өмнөөс ард иргэддээ үйлчилгээ хүргэж, ард иргэдийнхээ төлөө ажиллах тангараг өргөсөн төрийн албан хаагчдыг шаардаж үр дүн гаргаж, үр дүнг нь дүгнэхэд анхаарах хэрэгтэй. Түүнчлэн эрчимжсэн мал аж ахуй, сайн үйлдвэр угсааг дэмжихээс гадна уламжлалт бэлчээрийн мал аж ахуй, малчдаа дэмжихэд түлхүү бодлого явуулах хэрэгтэй гэлээ.