Баасан.Г 2016.05.24 | Телевиз: TV5

Нийслэлийн сонгуулийн хороо 19 нэр дэвшигчийн сонгогдох эрхэнд бүдүүлгээр халдсан гэв

Нийслэлийн сонгуулийн хороо 19 бие даагчийн нэр дэвших эрхийг түдгэлзүүлэхдээ тэдгээр хүмүүсийн сонгогдох эрхэд бүдүүлгээр халдсан гэдгийг “Бие даан нэр дэвшигчдийн зөвлөл”-өөс онцоллоо.

Учир нь бие даагчдын цуглуулсан гарын үсэг хуулинд тусгагдсан тооны хязгаараас олноор давсан байхад ганц нэг хүний алдаатай гарын үсгээр шалтаглан нэр дэвшигчээр бүртгэхээс татгалзаж байгаа нь үүний нотолгоо гэсэн юм.

“614-ээс 824 хүний гарын үсэг зуруулсан байхад хүчингүй ганц л хүний гарын үсэгнээс үүдэн тухайн гарын үсгийг бүхлээр нь хүчингүй болгосон байна. Энэ бол маш том хэлмэгдүүлэлт юм” гэж МАЧХ-ны тэргүүн Г.Баасан хэллээ.