УИХ-ын нэгдсэн чуулганаар 2016.12.28 Засгийн газрын өргөн мэдүүлсэн Мал, амьтны эрүүл мэндийн тухай хуулийн төсөл болон түүнтэй хамт өргөн мэдүүлсэн холбогдох бусад хуулийн , төслийн үзэл баримтлалыг хэлэлцэх эсэхийг хэлэлцэж байна.

Хэлэлцүүлгийн үеэр УИХ-ын гишүүн Ц.Даваасүрэн ХАА салбар МАН-ын хувьд улстөрийн ач холбогдолтой шүү гэдгийн онцлоод, өвчтэй өвчгүй хүрээг хэрхэн тогтоож байгааг тодруулсан юм.

Ц.Даваасүрэн: 

Нэгдүгээрт, ХАА салбар нь эдийн засгийн ач холбогдлоос гадна манай олонхи хүчний хувьд улстөрийн ач холбогдолтой салбар юм. Үе үеийн сонгуулийн үр дүнгээс хархад хамгийн их дэмжлэгийг хөдөөгийн иргэд үзүүлдэг.

Бид 2008-2012 онд олонхи байхдаа “Малчдын талаар төрөөс баримтлах бодлого”, “Монгол мал хөтөлбөр” -ийг баталж, хэрэгжүүлж байсан. Харамсалтай нь өнгөрсөн 4 жилд ултөржсөн байдлаар эдгээрийг идэвхгүй болгосон. Энэ оруулж байгаа төсөл нь эдгээр бодлогтой хэрхэн уялдсан вэ?

Удахгүй Ерөнхийлөгчийн сонгууль болох гэж байна.Өнгөрсөн хавар ярьсан зүйлээ одоо ярьж очиж болохгүй. Тиймээс өнгөрсөн хаврын мөрийн хөтөлбөрт тусаж байсан зүйлсийнхээ эрхзүйн зохицуулалтыг нь хийж байж ирэх сонгууль оролцох хэрэгтэй.

Хоёрдугаарт, Тогтовортой эдийн засагтай байя гэвэл бид органик  салбараа дэмжих хэрэгтэй.  ХАА яам сүүлийн үед гол хэрэглэгч ОХУ-тай сайн ажиллаж байгаа юм байна лээ. Түүнд сайн үнэлэлт өгөх ёстой. Биднийг хамгийн сайн мэддэг хэрэглэгч бол ОХУ юм. Гэхдээ малаа бид эрүүлжүүлэх хамгийн чухал.

Өвчтэй, өвчгүй бүсийг /zone/ тогтоох хамгийн гол зүйл. Энэ хууль дээрээ үүнийг хэр тусгасан вэ?

П.Сэргэлэн сайд хариулав

Энэ хуулийн төсөл “Малчдын талаар төрөөс баритлах бодлого”, “Монгол мал хөтөлбөр”, “МУ-ын Засгийн газрын үйл ажиллагааын мөрийн хөтбөртэй” нягт уялдаж боловсруулагдсан.

Өвчтэй, өвчгүй бүсийн талаар бүтэн 2 зүйл оруулж өгсөн байгаа.  

Энэ хуулийнхаа зүйлийн хүрээнд өвчтэй, өвчгүй хүрээгээ тогтоох, гадаад дотоод худалдаагаа зохин байгуулах, мөн шилжилт хөдөлгөөний зохицуулах, хязгаарлалтыг тогтоох  чиглэлээр үйл ажилгаануудыг хуульчлаж оруулсан.