Эдийн засгийн байнгын хорооны өнөөдрийн /2019.04.30/ хуралдаанаар Монгол Улсын эдийн засаг, нийгмийг 2018 онд хөгжүүлэх үндсэн чиглэлийн биелэлтийн тайланг хэлэлцэж байна.

УИХ-ын гишүүн Я.Содбаатар “Монгол Улсын эдийн засаг, нийгмийг 2018 онд хөгжүүлэх үндсэн чиглэл”-ийн биелэлтийн тайланг танилцууллаа. Гишүүд тайлантай холбогдуулан асуулт асууж байр сууриа илэрхийлж байна.

УИХ-ын гишүүн Ж.Бат-Эрдэнэ:

Жил болгон бид нар үндсэн чиглэлийн биелэлтийг нь хардаг хэлэлцдэг. Цаасан дээр нэг ерөнхий юмнууд гарчихаад тэгээд зааланд бид хэд баталж өгөөд явуулдаг буцаад хэрэгжилтйиг нь харсан болоод явчихдаг ийм л зүйл болоод байна.

Засгийн газрын мөрийн хөтөлбөртэй уяж нарийн тод харж байх  хэрэгтэй байна. Эдийн засгийн өсөлт, хөдөөгийн хүн амын амжиргааг сайжруулах, иргэдийн амжиргааг сайжруулах,  хүн ам дээр ямар хэмжээний орлого ямар хэмжээний өөрчлөлт орж байгаа вэ гэдэг дээр хамгийн гол дүгнэлт баймаар санагдах юм.

Хэд хэдэн асуулт байна. Хөдөө аж ахуй үйлдвэрлэлийг хөгжүүлэх гээд нилээн заалтууд байж байгаа байх. Энэ заалтууд чинь хэдэн хувьтай явж байгаа вэ? ХАА үйлдвэрлэл сүүлийн нэг жилд хэдэн хувиар өссөн бэ?

Ядуурал буурсан уу? өссөн үү? ажилгүйдэл бол жил болгон буурч байгаа одоо 6,9 яагаад энэ ажилгүйдэл буурсан бэ сангийн яам дүгнэлт хэлж өгнө үү?

Иргэдийн орлого хэдэн хувиар өссөн бэ өсөж байна уу буурч байна уу?