Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2019.10.09/ хуралдаанаар  Шинжлэх ухаан технологийн тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Энэ үеэр УИХ-ын гишүүн А.Ундраа

Хуулийн төслийг санаачлагчдын нэг учир мэдээж дэмжиж байгаа.  Сая 9 сарын 26, 27-ны өдрүүдэд ШУ-ны ажилтны улсын анхдугаар зөвлөгөөн болсон. Салбар салбарын эрдэмтэд оролцож тулгамдаж байгаа асуудал, гарах гарц шийдэл, эдийн засгийн боломжуудаа ярилцсан. Энэ хурал үг үйлдэл болоод дуусахгүй ажил хэрэг болоод яваасай гэдэг дээр бид анхаарах хэрэгтэй. ШУ-ны ажил цаг хугацаа их шаарддаг ч үр өгөөж өндөр байдаг.

Улсын төсвийн санхүүжилтийг 5 дахин нэмэгдүүлнэ, ДНБ-ны эзлэх хувийн жинг 2 хувьд хүргэнэ гэсэн тодорхой зорилтууд байгаа. Бидний хандлагын асуудал маш чухал байгаа. Мэдээж нийгэм бол ШУ-ны чухлыг ойлгож байна. Эрдэмтэд маш сайн ойлгож байна. Ойлгохгүй байгаа улсууд бол улс төрчид байна.  Шинжлэх ухааны салбарын асуудалд хандах хандлагаа өөрчилье.