Н.Амарзаяа 2019.10.17 | Vip76.mn

Н.Амарзаяа: Эрчим хүчний шөнийн тарифын асуудал хамгийн чухал байна

Улсын Их Хурлын чуулганы /2019.10.17/ өнөөдрийн үдээс хойших нэгдсэн хуралдаанаар 2020 оны төсөв болон хамт өргөн мэдүүлсэн хуулийн төслүүдийг үргэлжлүүлэн хэлэлцэж байна. Хэлэлцэж буй асуудалтай холбогдуулан гишүүд асуулт, хариулт авч байна.

УИХ-ын гишүүн Н.Амарзаяа

2020 оны Монгол улсын нийгэм эдийн засгийг хөгжүүлэх үндсэн чиглэлд нийцүүлээгүй төсвийн төсөл өргөн барьсан нь их анхаарал татаж байна. Эрчим хүчний шөнийн тарифын асуудал хамгийн чухал байна. 50 хувь хөнгөлсөнд иргэд маш их талархалтай байгаа ч аймгийн төвүүд агаарын бохирдол өндөр байгаа.

2018,2019 оны төсөвт тодотгол хийгээгүй. 2019 оны төсөв батлахад зураг төсөв нь хийгдээгүй барилга байгууламж нэлээд байгаа. Үүний зураг төсөв нь 2019 оны төсөвт тусгагдаагүйтэй холбоотой өөрчлөлтүүдийг Сангийн яам нэгдсэн программаасаа хараад зөв зүйтэй тусгах байх гэсэн тусгагдаагүй байна. Иймэрхүү асуудал дээрээ анхаарч ажилламаар байна.

Өмнөговь аймаг зарлагаасаа давсан орлого 52 тэрбум төгрөгийг Улсын төсөв төвлөрүүлж байгаа гэтэл эргээд Өмнөговь аймагт хувилагдсан төсөв нь 27 тэрбум. Өмнөговь аймагт уул уурхай дагасан гүний усны хомстол, байгаль орчны нөхөн сэргээлт гээд маш олон асуудлууд байгаа. Энэ бүхэн дээр эргээд Сангийн яам бодлого төлөвлөлтөө гаргаж ажиллах нь зүйтэй.