Ж.Ганбаатар 2019.10.23 | Vip76.mn

Ж.Ганбаатар: Улс төржилтийн уршгаар валютын ханшид хиймэл өсөлт бий болсон

УИХ-ын Эдийн засгийн байнгын хорооны /2019.10.23/ өнөөдрийн хуралдаанаар  “Төрөөс мөнгөний бодлогын талаар 2020 онд баримтлах үндсэн чиглэл батлах тухай” тогтоолын төслийг хэлэлцлээ.

Энэ үеэр УИХ-ын гишүүн Ж.Ганбаатар

Саарал жагсаалт айл өрх бүрийн амьдралд хамааралтай учир улс төржүүлж хэн нэгэн рүү чихэж энэ чиний буруу энэнээс болсон тэрнээс болсон гэдэг асуудлуудаа дотроо ярьж шийдэх хэрэгтэй. Сүүлийн гурван хоногийн өсөлт бол улс төрчдийн ярианы хиймэл өсөлт байсан.

Банкны салбарын эрсдэл даах чадварыг нэмэгдүүлэх, хувь эзэмшлийн төлөвийг бууруулах, зохистой засаглалын зарчим, олон нийтийн хяналтыг бий болгох эрх зүйн орчныг бүрдүүлэх арга хэмжээг авч хэрэгжүүлнэ гэсэн. Энэ өмнө нь огт байгаагүй зорилт энийгээ тайлбарлаж өгөөч. Энэ зорилтыг хэрэгжүүлснээр ямар эерэг өөрчлөлт гарах вэ?