О.Баасанхүү 2019.10.24 | Vip76.mn

О.Баасанхүү: Бид 2000 оноос хойш ажлаа сайн хийсэн бол өнөөдөр ийм хууль өргөн бариад байх шаардлагагүй байсан

Монгол Улсын Их хурлын чулганы /2019.10.22/ өнөөдрийн нэгдсэн хуралдаанаар Монгол Улсын Хүний эрхийн Үндэсний Комиссын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцлээ.

Уг хуулийн төсөлд Монгол Улсын Хүний эрхийн Үндэсний Комиссын тухай хуулийг боловсронгуй болгох, хуулийг хэрэгжүүлэх нөхцөлийг бүрдүүлэх үүднээс Хүний эрхийн Үндэсний Комиссын гишүүнд нэр дэвшүүлэх, сонгон шалгаруулах ажиллагааг Парисын зарчимд нийцүүлэн олон нийтийн оролцоотойгоор ил тод, нээлттэй зохион байгуулахаар тусгасан байна.

Хуулийн төслийн хэлэлцүүлгийн үеэр УИХ-ын гишүүд асуулт асууж, санал хэллээ. 

УИХ-ын гишүүн О.Баасанхүү:

"Бид 2000 оноос хойш ажлаа сайн хийсэн бол өнөөдөр ийм хууль өргөн бариад байх шаардлагагүй байсан. 1998 онд С.Зориг нас барахад АН төр барьж байсан. 2000 МАН аваад Ц.Нямдорж хууль зүйн сайд болоод энэ хэрэг 20 жил илрээгүй.

Гадаадад хүний эрхийн асуудлаар Монголоо муухай харагдуулаад байх шаардлагагүй. Монголыг хорлоод, хаагаад, болиулаад өг гээд яриад байгааг би гайхаж байна. Н.Оюундарь гишүүн энэ хуралд сууж хүний эрхийн асуудал хэлэлцэж байхад оролцох ёстой.

2007 онд эрүүдэн шүүлтийн асуудлаар НҮБ-ын тусгай комиссар ирж үүрэг өгсөн. Түүнийг нь хийсэн бол өнөөдрийн эрүүдэн шүүлт үүсэхгүй байсан. Даалгаварыг нь огт биелүүлээгүй. Гэтэл 2008 онд Ц.Нямдорж сайд яргалалтын сандал оруулж ирэх шийдвэр гаргасан. Эрүүдэн шүүхэд дургүй хүн хэрнээ тэр сандалаа оруулж ирсэн. Цагдаагийн байгууллагаар таарахад нь орилж хашгирч байж тэр сандлыг нь зайлуулсан. хэдэн тэрбум төгрөг болсон. Үүнийг нь төлүүлэх ёстой. Энэ алдаа хэнээс гарав гэдгийг ярихгүй өнгөрдөг. Энэ асуудлаа анхаараарай. "