Эрдэнэ.С 2019.11.29 | Vip76.mn

С.Эрдэнэ гишүүний санаачилсан хуулийн төслийн санал хураалтыг ирэх 7 хоногт хийнэ

С.Эрдэнэ гишүүний санаачилсан хуулийн төслийн санал хураалтыг ирэх 7 хоногт хийнэ

Улсын Их хурлын чуулганы өнөөдрийн /2019.11.29/ нэгдсэн хуралдаанаар Орон сууц, гэр хорооллын дундын өмчлөлийн эд хөрөнгө болон сууц өмчлөгчдийн эрх зүйн байдлын тухай хуулийн төсөл болон хамт өргөн мэдүүлсэн Сууц өмчлөгчдийн холбооны эрх зүйн байдал, нийтийн зориулалттай сууцны байшингийн дундын өмчлөлийн эд хөрөнгийн тухай хууль хүчингүй болсонд тооцох тухай хуулийн төсөл /Улсын Их Хурлын гишүүн С.Эрдэнэ 2019.04.11-ний өдөр өргөн мэдүүлсэн, хэлэлцэх эсэх/; хэлэлцлээ.

Хуулийн төслийг санаачлагч, УИХ-ын гишүүн С.Эрдэнэ танилцууллаа.

Орон сууц гэр хороололын дундын өмчлөлийн, эд хөрөнгийн болон сууц өмчлөгчдийн холбооны эрхзүйн байдлын тухай шинэчилсэн найруулгын төсөл болон хамт өргөн мэдүүлсэн хуулийн төслийн хэлэлцэх эсэх асуудлыг ЭЗБХ-оор хэлэлцсэнийг УИХын гишүүн М.Оюунчимэг танилцууллаа.

Хэлэлцэж буй асуудалтай холбогдуулан УИХ-ын гишүүн М.Билэгт, Ц.Мөнх-Оргил, Д.Лүндээжанцан, М.Оюунчимэг, Б.Баттөмөр нарын гишүүн төсөл санаачлагчаас асуулт асууж тодруулан, санал хэлсэн.Төсөлтэй холбогдуулан УИХ-ын гишүүн Ц.Мөнх-Оргил үг хэлсний дараа УИХ-ын дэд дарга Л.Энх-Амгалан хуралдаанд цөөхөн гишүүн оролцож байгаа тул  чухал хуулийн төсөл унах магадлалтайг хэлээд, дараагийн чуулганаар санал хураахаар шийдвэрлэв. Үүгээр өнөөдрийн чуулганы нэгдсэн хуралдаан өндөрлөлөө.