Байгаль орчин, хүнс, хөдөө аж ахуйн байнгын хорооны өнөөдрийн /2020.12.16/ хуралдаан эхэллээ. Хуралдаанаар Мах бэлтгэл, махны үйлдвэрлэл болон махны экспортын үйл ажиллагаанд хяналт шалгалт хийх, санал, дүгнэлтийн төсөл боловсруулах үүрэг бүхий Байнгын хорооны 2020 оны 07 дугаар тогтоолоор байгуулсан ажлын хэсгийн санал, дүгнэлтийг сонслоо.

УИХ-ын гишүүн Н.Наранбаатар: 

2015 онд Өмнөговь аймгийн Шивээ хүрэнгийн боомтод мах гаргах эрхтэй болсон. Аршиа аймгийн боомтод мах хүлээж авах бэлтгэлээ хангаад үйлдвэрийн асуудлаа шийдсэн. Гэвч Монголын талаас мах орж ирдэггүй. Энэ жил Өмнөговь аймаг мах экспортлох боломжтой байгаа. Харин мах гаргах зөвшөөрөл олгогдоогүй.

Орон нутгийн болон хувийн хөрөнгө оруулалттай махны үйлдвэр байгуулагдсан.Хоногтоо 200 толгой бог мал боловсруулах хүчин чадалтай. Мах гаргах зөвшөөрлийг яаж олгож байна вэ? Орон нутгаа дэмжих боломж байна уу? Үндэсний аж ахуй нэгжүүдээ хөрөнгө мөнгөөр яаж дэмжих вэ? Мах стандарт шаардлага хангахгүй байна гэж байна. Ямар шаардлага хангахгүй байна вэ?

ХХААХҮЯ-ны Төрийн нарийн бичгийн дарга Т.Жамбалцэрэн:

Тухайн орон нутагт хаашаа мах гаргах хүсэлтээ манай яаманд ирүүлэх ёстой. Үүний дагуу тухайн орноос хянан шалгах хүмүүс ирж, шалгадаг. Гадаад орны шаардлагад нийцүүлж ажиллах хэрэгтэй. Экспортын тоо хэмжээг гаргадаг ажлын хэсгийг яам өөрөө ахалдаг. Гааль, мэргэжлийн хяналт, худалдаа аж үйлдвэрийн танхим, манхны холбоо гээд  төрийн бус байгууллагуудын холбооны төлөөлөлтэй ажлын хэсэг байдаг. Энэ ажлын хэсэг аж ахуй нэгжүүдээс ирсэн санал хүсэлтийг манхын холбооны санал дээр үндэслэж тоо хэмжээг хувиарладаг.

Мал эмнэлгийн ерөнхий газар, Мэргэжлийн хяналтын ерөнхий газар,  Мал эмнэлгийн ариун цэврийн төв лабортоороор  чанрын баталгаажуулалт хийгдсэн мах экспортонд гарч байна

Сэтгүүлч

Сэтгүүлч Ц.Соёлмаа soyolmaa@vip76.mn