Баянгол дүүргийн Иргэдийн Төлөөлөгчдийн Хурлын Тэргүүлэгчдийн ээлжит хурал /2021.12.30/-нд цахим, танхим хосолсон хэлбэрээр болж өндөрлөв. Түүхт 30 жилийн ойн босгон дээр 2089 дэх тогтоолын төслөө баталлаа.

ИТХ-ын дарга Б.Сэмжидмаа “Та бид бүрэн бүрэлдэхүүнээрээ ДИТХ-ын тэргүүлэгчдийн отгон хурлаа хийж байна. Өнөөдрийн хурал түүхэн бөгөөд, онцгой хурал. Учир нь /2022.01.01/-нээс хэрэгжиж эхлэх МУЗЗНДНТУТХ-ийн дагуу шинэ онд дүүргийн ИТХ-ын тэргүүлэгчийн статус эрх зүйн хувьд өөр хэлбэрт шилжиж байна” хэмээн онцлоод, хурлаар хэлэлцэх асуудлын дарааллыг танилцуулсан. Хурлаар нийт 3 асуудлыг хэлэлцэж, холбогдох тогтоол, шийдвэрийг гаргалаа.

Хурлын төгсгөлд ДИТХ-ын Тэргүүлэгчдийн нарийн бичгийн дарга бөгөөд Ажлын албаны дарга А.Даваажаргал ДИТХ-ын Тэргүүлэгчид бүрэн эрхийн хугацаанд гаргасан тогтоол, шийдвэрүүдийг тоймлон мэдээллээ.

Тэрбээр “БГД-ийн ИТХ-ын тэргүүлэгчид энэ бүрэлдэхүүнээрээ ажиллаж эхлээд 1 жил 1 сар 11 хоногийг үдэхдээ 2020 онд 3 удаа, 2021 онд 12 удаа хуралдаж, нийт 41 асуудал хэлэлцэн, 16 асуудалтай танилцаж, 42 тогтоолыг баталж, 12 тэмдэглэлийг гаргасан байна" гэжээ.

ДИТХ-ын тэргүүлэгчид 2089 дэх тогтоолын төсөл баталлаа