2022.10.18

Э.Бат-Амгалан: Шүүх шинжилгээний хүрээлэнгийн техникийн шинэчлэл, сайжруулалтанд анхаарах хэрэгтэй

УИХ-ын Хууль, зүйн байнгын хорооны /2022,10,18/-ны өдрийн хуралдаанаар Монгол Улсын 2023 оны төсвийн тухай, Нийгмийн даатгалын сангийн 2023 оны төсвийн тухай, Эрүүл мэндийн даатгалын сангийн 2023 оны төсвийн тухай хуулийн төслийг хэлэлцлээ.

УИХ-ын гишүүн Э.Бат-Амгалан:

Улсын хэмжээнд төсвөө ярихдаа, орлогоо давхар ярих хэрэгтэй. Цахим үндэстэн болно гэсэн зорилттой ажиллаж байна. Цахим гарын үсгээ гаргасан. E паспортын төсөв орсон уу. Зорчигчдыг хүндрэлгүй явуулах шаардлагатай. Бусад орны иргэд E паспортоо уншуулаад шуурхай хил нэвтэрдэг, манайхан л хөлсөө дуслуулаад хүлээдэг. Цахимтай холбоотой энэ асуудал төсөвт суух шаардлагатай гэж харж байна.

Хууль зүйн байнгын хорооноос Шүүх шинжилгээний тухай хуульд өөрчлөлт оруулахаар ажиллаж байна. Тоног, төхөөрөмж хуучин, шаардлага хангахгүй байна. Бусад орнуудад хүний эрх, эрх чөлөөг хүндэтгэж шүүх шинжилгээний байгууллагын тоног төхөөрөмж орчин үеийн шинэлэг, стандарт хангахуйцаар шийдсэн байдаг. Үүнээс болж хэн нэгэн хохирч, хэн нэгэн ял завшиж болохгүй. Үүнийг шийдэх талаар төсөв орсон уу?

 Түүний асуултад ХЗДХ-ын сайд Х.Нямбаатар хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn