Баянзүрх дүүрэг бусад дүүргээс том, хамгийн олон иргэнтэй, алслагдсан хороо ихтэй. Өнөөдөр хичээлдээ явахын тулд 2 талдаа 8км алхдаг сурагч байхад, гэрээсээ гараад 5 алхаад орчихдог сурагч ч манай дүүрэгт бий. Тэр ч утгаараа шийдэх, шийдвэрлэх ажил их.

Тэгвэл өнөөдөр дүүргээс сонгогдсон Э.Бат-Амгалан гишүүний санаачилга, Засаг дарга Н.Баярмөнхийн дэмжлэгтэйгээр манай дүүргийн Тэмүүжин өрлөг, 33,102,126,127,137,147,148,158, Амгалан цогцолбор гээд дүүргийн нийт 10 сургууль автобустай болж 2000 гаруй хүүхэд цаашид олон км алхаж ядрахгүй, хувцсаа муухай болгохгүйгээр тав тухтай, дулаахан, аюулгүйгээр хичээл сургуульдаа явах боломжоор хангагдлаа.

Боловсролын салбарыг цаг үргэлж дэмжиж, хамтарч ажилладаг та хоёртоо чин сэтгэлийн талархал илэрхийлье. Бид бүх шатандаа дүүргээ хөгжүүлэх нэг зорилгын төлөө ажиллаж байгаа учраас асуудал бүр шийдэгдэж, Баянзүрх дүүрэг маань хөгжиж цэцэглэнэ гэдэгт итгэлтэй байна.

Сэтгүүлч

Сэтгүүлч Ц.Соёлмаа soyolmaa@vip76.mn