ЗТХЯ ойрын үед Замын-Үүд болон Хөшигийн хөндийд Хуурай боомт, Тээвэр логистикийн томоохон төв байгуулах зорилт тавин ажиллаж байгаа.

Энэ зорилтыг ажил болгоход гадна дотнын туршлага, зөвлөгөө их хэрэгтэй байна. Хамад боомтын тухайд жилдээ 7.5 сая тонн ачаа ачиж, буулгаж, хадгалдаг энэхүү боомт нь улсынхаа усан боомт төдийгүй агаарын ачаа тээврийн гол үүрэг гүйцэтгэдэг ложистикийн төв юм байна.

Жилийн орлого нь 400 сая доллар давдаг энэхүү боомт бүс нутгийнхаа тээврийн төв болон хөгжихөөс гадна ирээдүйд Катарын эдийн засгийг төрөлжүүлэхэд томоохон үүрэг гүйцэтгэх зорилготой ажээ.

Терминалынхаа орчинд ажилчид болоод ачаа тээврийн аюулгүй байдал, хяналт, тав тухыг хангахад маш их анхаарсан байна. Анх усан боомтыг байгуулахдаа далайн амьтдыг, далайн ургамлын хамт нүүлгэн шилжүүлж хамгаалж үлдсэн байна.

Манай улсын хувьд Катараас газар нутгийнхаа хэмжээгээр 150 дахин их, хөрс, цаг агаарын хувьд ч давуу талууд байна. Мөн ази европыг холбосон байрлалд байгаа нь хуурай замын ачаа тээврийн ложистикийн төв байгуулах бүрэн боломжтой юм.

Катар улсын хамгийн том Хамад боомтын үйл ажиллагаатай танилцлаа

Катар улсын хамгийн том Хамад боомтын үйл ажиллагаатай танилцлаа