Өнөөдөр /2018.05.17/ УИХ-ын нэгдсэн чуулганаар өнгөрсөн сарын 30-ны өдөр өргөн мэдүүлсэн “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл -ийн эцсийн хэлэлцүүлгийг хийлээ. УИХ-ын гишүүн Ё.Баатарбилэг: Засгийн газрын хуралдаанаар төрийн өмчийн нилээ хэдэн компаниудыг хувьчлах талаар яригдаж батлагдсан юм байна. 2018 ондоо багтааж хувьчлах нээ. Эндээс орж ирэх мөнгө Үндсэн чиглэлд орж байгаа юу? Үндсэн чиглэлд яаж тусах вэ? Ажлын хэсэг: Төсвийн орлого, зарлагыг бөөнөөр нь баталдаг. Үүнийг намрын чуулганаар баталдаг. Энэ асуудал 2019 оны төсөв хэлэлцэхэд тусдаа тусгагдаад явна.
2018-05-24
Өнөөдөр /2018.05.17/ УИХ-ын нэгдсэн чуулганаар Эдийн засаг, нийгмийг 2019 онд хөгжүүлэх үндсэн чиглэл батлах тухай хуулийн анхны хэлэлцүүлгийг хийлээ. Хэлэлцэж буй асуудалтай холбогдуулан УИХ-ын гишүүн Б.Бат-Эрдэнэ байр сууриа илэрхийллээ. Тэрээр: "Талбай дээр суулт жагсаал хийж байгаа нь төрийн албаны цалингийн ялгавартай байдлаас улбаатай. Тиймээс үүнийг төр бодлогын түвшинд авч үзэх шаардлагатай. Монгол орны байгаль орчны байдалд өөрчлөлт гарч байна. Сүүлийн 70-80-аад жилийн хугацаанд дэлхийн дундаж дулаарлаас 3 дахин их дулаарал явагдаж байна. Үүний нөлөө маш их учраас эмзэг байгалиа хамгаалах чиглэлийн бодлого байх ёстой. Урт нэртэй гэж нэрлэгддэг гол мөрний эхийг хамгаалах, сав дагуу газрыг хамгаалах, байгалийн ойн сангаа хамгаалах хууль гараад үр дүнд хүрч байтал өмнөх 4 жилд Засаг барьж байсан хүмүүс өөрчилсөн. Одоо дахиад хөдөө орон нутагт байгалийн тэнцвэр алдагдаж, бэлчээр ган ч амаргүй нөхцөл байдалд орлоо. УИХ-ын бүтцийн байгууллага болох байнгын хороодын дарга нарыг уул уурхай буюу ашиг сонирхлоос нь ангид хүн тавих хэрэгтэй гэж би байнга хэлдэг. Бизнесийн хүмүүсийг буруу гэж байгаа юм биш. Гэхдээ УИХ-д төрийн эрх барих байгууллагад орж ирээд, өөрийнхөө бизнесийг хамгаалаад сууж байгааг нь л буруутгаж байна. Тэр хамгаалж байгаа хүмүүсийн төлөөллийг БОХХААБХ-ны даргаар байнга тавьдаг. Үндсэн чиглэлийг харахад бэлчээр, байгаль орчинтой холбоотой, монгол хүн амьдрах уу үгүй юу гэдэгтэй холбоотой асуудал огт тусаагүй байна. Хамгийн ойрын жишээ гэвэл Улаанбаатар хотын утааг бууруулах ажлын хэсэг хүртэл гарсан байхад энэ чиглэлийн бодлогын зүйл алга" гэсэн юм.
2018-05-17
Өнөөдөр /2018.05.17/ УИХ-ын нэгдсэн чуулганаар өнгөрсөн сарын 30-ны өдөр өргөн мэдүүлсэн “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл -ийн анхны хэлэлцүүлгийг хийлээ. УИХ-ын гишүүн Ё.Баатарбилэг: Зарчим хэрэгтэй байна.Тоо төсөвтэй асуудал орж ирэх ёстой бол хугацаа өгөх хэрэгтэй.Манай байнгын хорооноос багш, эмч нарын цалин нэмэх зэрэг 11 санал оруулсан энэ саналуудыг байнгын хороон дээр унагаасан. Цаашдаа цалин хөлс нэмнэ гэж байгаа. Ирэх жил үндсэн чиглэл явуулах бол эртхэн энэ асуудалд анхаарах хэрэгтэй. Засгийн газар хөтөлбөртөө оруулсан асуудлаа орхигдуулсан халдварт өвчний асуудал яригдсан, ороогүй. УИХ-ын гишүүн Д.Дамба-Очир:Засгийн газрынхан Үндсэн чиглэлийг оруулж ирэхдээ тулгаж орж ирдэг. Байнгын хороон дээр ч сайн ажиллаж чадаагүй. Цаашдаа энэ асуудал цэгцтэй явах хэрэгтэй. Төсөвтэй холбоотой асуудал бодлогын чанартай асуудалтай холилдоод байна.
Өнөөдөр /2018.05.17/ УИХ-ын нэгдсэн чуулганаар өнгөрсөн сарын 30-ны өдөр өргөн мэдүүлсэн “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл -ийн анхны хэлэлцүүлгийг хийлээ. УИХ-ын гишүүн М.Билэгт: Энэ үндсэн чиглэлд бэлчээрийн талаар тодруулах зүйл байна. Малчинд зөвхөн бэлчээр хамаатай зүйл биш. Байгалийн тэнцвэрт байдлыг хадгалахад чухал. Иймд энэ талаар үндсэн чиглэлд бодитой оруулах хэрэгтэй. Цаашдаа яаж анхаарах вэ? Бусад улс оронд таримал ургамал зонхилж байна. Манайх ийм байдалд хүрэхгүйн тулд цогцоор нь ямар бодлого барих вэ? Салбарын сайд аа. Эрүүл мэндийн салбарын эмнэлгүүдийн үйлчилгээ, боловсон хүчнийг хэрхэн дэмжиж ажиллах вэ? УИХ-ын гишүүн Н.Цэрэнбат: Бэлчээр, цөлжилтийн асуудал ганц яамны асуудал биш. Үүн дээр гадны төсөл хөтөлбөр хэрэгжиж байна. Үндсэн чиглэлд усжуулах тал дээр анхаарна гэж тусгайлан заалт орсон. УИХ-ын гишүүн, Эрүүл мэндийн сайд Д.Сарангэрэл: Эрүүл мэндийн салбарын мэргэжилтнүүдийн цалин мөнгө бага байгаа. Одоо эдийн засаг арай дээр болж байна. Шат дараатай цалин мөнгө нэмнэ. Энэ салбарт бүтцийн өөрчлөлт хэрэгтэй. Нэмэлт орлого олох боломжийг эмнэлгүүдэд олгосон.
Өнөөдөр /2018.05.17/ УИХ-ын нэгдсэн чуулганаар өнгөрсөн сарын 30-ны өдөр өргөн мэдүүлсэн “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл -ийн анхны хэлэлцүүлгийг хийлээ. УИХ-ын гишүүн Я.Содбаатар: Цаашдаа бодлогын талаа баримтлах хэрэгтэй. 2019 он үндсэн хөтөлбөр хэрэгжих гол жил. Мөрийн хөтөлбөрөө хэрэгжүүлэх ажлын хэсэг гарсан. Жижиг дунд үйлдвэрийг дэмжихэд зайлшгүй хэрэгцээ байна. Энэ салбарт зээлийг төсвөөс нэмэгдүүлэх талаар хэдэн гишүүн санал гаргасан.Жижиг дунд үйлдвэрийн зээл маш сайн хариуцлагатай хэрэгждэг зээл. Түрээсийн орон сууц, импотикийн орон сууцыг нэмэх хэрэгтэй. Зөвхөн нийслэлд биш хөдөө орон нутагт энэ төсөл хэрэгжих хэрэгцээ байна. УИХ-ын гишүүн, сангийн сайд Ч.Хүрэлбаатар: Жижиг дунд үйлдвэрийг дэмжих чиглэлээр нилээ олон сан хэрэгжиж байгаа. Санхүүгийн тайланг харвал 200 орчим тэрбум төгрөг бий. Бас шалгах зүйл байна. Хэрэгжиж байгаа олон төслийг нэгтгэх шаардлага байна. Хийж байгаа болон хийгдэж ажлууд байна.
