УИХ-ын Эдийн засгийн байнгын хорооны өнөөдрийн /2020.04.22/ хуралдаанаар  Хөгжлийн бодлого, төлөвлөлт, түүний удирдлагын тухай хуулийн шинэчилсэн найруулгын төслийг хэлэлцэж дэмжлээ.

Энэ үеэр УИХ-ын гишүүн Ц.Гарамжав

Үндсэн хуулийг дагалдах чухал хуулиудын нэг. Хөгжлийн бодлого, төлөвлөлтийн талаар төрийн статустай тусгай байгууллагатай байх ёстой гэж бид үзсэн. Энэ хуулиар суурийг нь тавьж байна гэж ойлгож байна. 

Өмнө  улсын хөгжлийг 5 жилээр төлөвлөж дүгнэж явдаг байсан  одоо 4жилээр нэг нам гарч ирээд хөгжил ярьдаг дахиад 4 жилийн дараа өөр нам гарч ирдэг. Энэ хуулинд цаг хугацааны хувьд ямар төлөвлөлттэй байхаар оруулсан бэ.

Эдийн засгийн төрөлжилт, солонгоролт дээр хэрхэн төлөвлөж ямар бүтэц бүрэлдэхүүнээр явахаар тусгасан бэ? Ганцхан уул уурхайгаар яваад байх юм уу. Ямар статустай эрх хэмжээнд энэ газар ажиллах вэ. 

Түүний асуултанд УИХ-ын гишүүн С.Бямбацогт хариуллаа.