н.энхбаяр 2008.01.01

Э.Батшугар: Аавтайгаа 20-хон минут уулзахдаа нарийн асуудлаа ярьж чадсангүй

Э.Батшугар: Аавтайгаа 20-хон минут уулзахдаа нарийн асуудлаа ярьж чадсангүй
Э.Батшугар
МАХН-ын дарга Н.Энхбаярын хүү Э.Батшугар өчигдөр орой 18.00 цагийн үед аавтайгаа уулзжээ. Э.Батшугарт аавтайгаа уулзах 20 минутын хугацааг АТГ-аас өгсөн бөгөөд уулзалтын туршид хажууд нь камер барьсан харгалзагч бичлэг хийсэн аж. Н.Энхбаярын биеийн байдал өчигдрийнхөөс эрс дордсон байсан бөгөөд ам нь ээдрээд ярьж чадахгүй байсан гэнэ. Э.Батшугар аавынхаа амийг аврахын тулд яаралтай II эмнэлэг руу шилжүүлэн эмчилж өгөөч хэмээн холбогдох хүмүүсээс гуйсан боловч тэд зөвшөөрөөгүй байна.

Ингээд дээрхи мэдээлэлтэй холбоотойгоор Н.Энхбаярын хүү Э.Батшугартай холбогдож аавтайгаа уулзсан 20 хормынх нь талаар таван үг сольсноо хүргэе.

-Таныг аавтайгаа уулзсан гэсэн мэдээлэл ирлээ. Аавынх нь бие ямар байна?
-Аавтайгаа 20 минутын хугацаатай уулзлаа. Аавын маань биеийн байдал асар хүнд байна. Босч сууж чадахгүй болтлоо тамир нь тасарсан байдалтай байхад хуягууд өрөөнд нь уулзуулахгүй заавал уулзалтын өрөөнд уулз гэсэн юм. Уулзалтын өрөө нь нэлээд хол юм билээ.

-Аавтайгаа ямар нэгэн зүйл ярьсан уу?
-Биднийг уулзаж байх үед хоёр харгалзагч протокол хөтөлж байсан учраас олигтой нарийн зүйлсээ ярьж чадсан­гүй.

-Биеийн байдал нь муу байгаатай холбогдуулаад өлсгөлөнгөө зогсоох тухай санал хэлж үзсэн үү?
-Хэлж үзсэн. Гэхдээ аав маань өөрийнхөө үзэл бодолдоо хатуу зогсоно гэдгээ хэлсэн.
0ЭКСПЕРТсэтгэгдэл
Сэтгэгдэл оруулахын тулд та хэрэглэгчийн эрхээр нэвтэрнэ үү.
Экспертүүдийн сэтгэгдэл
Одоогоор сэтгэгдэл нэмэгдээгүй байна.