Энэ жил 23 мянган хүүхэд сургуулийн сурагч болох юм. Хүүхдүүдийн сурах сургуулийн барилга тэр дундаа төсвийн хөрөнгө оруулалтаар барилга, байгууламж, худалдан авалтын гүйцэтгэгчийг дөрөвдүгээр сарын 1-ний дотор шалгаруулахыг Засгийн газрын тэргүүн үүрэг болгосон. Гэсэн ч барилга барих хугацаа богинотой манай улс тендер оройтсоноос болж бүтээн байгуулалтын ажил олон жил дамнан үргэлжилдэг байдал 2014 онд ч үргэжлэлх төлөвтэйг байгааг эх сурвалжууд мэдээлж байна.

СХД-ийн 19-р хорооны 26-р цэцэрлэг 1955 онд баригдсан. Одоо болтол тендер нь зарлагдаагүй байгаагийн гол шалтгааныг Худалдан авах ажиллагааны газар зураг, төсвийн ажилтай холбон тайлбарлаж байна. Энэ жил засгийн газар сургууль, цэцэрлэг, эмнэлгийн барилгуудыг нэг ижил стандартын зураг, төслөөр хийх шийдвэрийг өнгөрсөн жилийн өвөл гаргасан. Харин өнөөдөр:

Боловсролын салбарт энэ жил 22 арга хэмжээ төлөвлөгдсөн.

Худалдан авах ажиллагааны газрын хэлтсийн дарга Ц.Минжинхүү: “Боловсролын салбарт энэ жил 22 арга хэмжээ төлөвлөгдсөн. Үүнээс 12 ажлын зураг төсөв нь ирээгүй байна. Тэгэхээр одоогийн байдлаар 50 гаруй хувьд зураг төсөв нь ирээгүй, гүйцэтгэл явагдаагүй байна гэсэн үг.”

Хүүхдүүд цэцэрлэггүй, сурагчид сургуульдаа харанхуй гудамжаар хэдэн км алхаж хүрч байхад энэ салбарын бүтээн байгуулалт удааширч байгаагийн бас нэг шалтгаан нь ихэнх тендерийг зохион байгуулах үүрэг хүлээсэн яамны барилга захиалагчийн алба, БШУЯ-ны барилга захиалагчийн алба ид ажил өрнөж байх ёстой үед өрөө нь бараг хоосон байгаагийн шалтгаан нь эрхээ шилжүүлэх болсонтой холбоотой гэж эх сурвалжууд тайлбарлалаа.

Засгийн газрын яамдад харъяалагддаг байсан барилга захиалагчийн албадыг нэгтгэх шийдвэр гарснаас хойш бүтэн сар өнгөрч байна. Энэ шийдвэр яамны барилга захиалагчийн алба ажлаа хүлээлгэж өгч байгаа гэж нэг цаг алдах, харин хүлээн авч байгаа барилгын хөгжлийн төв ажил хүлээн авч байна нэг хэсэг хугацаа алдахад хүргэж байгааг мэргэжилтнүүд нь хэлж байлаа.

Цэцэрлэг, сургуулийн тендерийн 50 гаруй хувьд зураг, төсөв нь ирээгүй байна