УИХ-ын Аюулгүй байдал, гадаад бодлогын байнгын хорооны /2022,05,18/-ны өдрийн хуралдаанаар Тамсагбулагийн сав газрын Тосон-Уул XIX, Тамсаг XXI талбайд үйл ажиллагаагаа явуулж байгаа “Петрочайна Дачин Тамсаг” ХХК-ний үйл ажиллагааны талаар мэдээлэл сонслоо.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Б.Дэлгэрсайхан: 

Ашигт малтмалын тухай хуулиа ойрын хугацаанд өөрчлөлт оруулж 30 хувиа баталгаажуулах хэрэгтэй. Манай улс яаж хөгжих вэ, газраа ухуулж байгаа орон нутаг хөгждөггүй. Уг нь хуулиа бариад явбал ийм зүйл болохгүй. Дорноговь аймагт ийм асуудал үүсдэггүй, гэтэл саяхан Мандах дээр ийм асуудал гарсан. Үүнийг хэсэг бүлэг хүмүүс, ТББ-ынхан араас нь "турхирч" сум орон нутгийн иргэдийг буруу зүйлд уруу татсан. Иймд АМТ- хуулийн 31,3-дахь зүйлийг хэрэгжүүл. Үе үеийн Сангийн сайд нар тэгш хуваарилалт гэсэн нэрийн дор ийм алдаа гаргаж, газраа ухуулж байгаа орон нутгийг хохироодог.

Зарим гишүүдийн дунд Алтан ширээд баригдаж буй Газрын тосны үйлдвэрийн талаар энэ ажил нь явахгүй байгаа гэх мэт буруу, зөрүү ойлголт байдаг. Энэ худлаа мэдээлэл, миний хувьд 2 хоногийн өмнө энэ үйлдвэр дээр ажиллаад ирсэн ажил нь сайн явж байна лээ. Нийгмийн чанартай бүтээн байгуулалт сайн явж байна. Гишүүд шаардлагатай бол газар дээр нь очиж үзэх хэрэгтэй. Бид нар энэ ажлыг дэмжих ёстой. Петрочайна-Дачин Тамсаг"-тай холбоотой маш их гомдол гардаг гэхдээ миний анзаарснаар орон нутгийнхан ажил нь явахгүй болохоор "шантаач" өгдөг байж магадгүй. Үүнийг шалгах хэрэгтэй. Дорноговь аймгийн Алтанширээ, Хатанбулаг, Ханбогд дамжсан газрын тосны хайгуул хэр явж байна. Хоолойн ажил хэзээ эхлэх вэ.         

Түүний асуултад ажлын хэсгийн гишүүд хариулт өглөө.      

Сэтгүүлч

Сэтгүүлч Ц.Соёлмаа soyolmaa@vip76.mn