“Монгол улсаа хөгжүүлье” нэвтрүүлэгт УИХ-ын гишүүн, БХБ-ын сайд З.Баянсэлэнгийг урилаа.

Хэдхэн хоногийн өмнө УИХ-ын ээлжит бус чуулган хуралдаад удалгүй хаалтаа хийлээ. Ээлжит бус чуулгантай холбоотой шантаажний асуудал яригдсан. МАХН тэр дундаа Засгийн газрыг хамтран байгуулж байгаа сайд нар бойкот хийлээ гэдэг яриа байна?

-УИХ-ын ээлжит бус чуулган хуралдсан. Гэхдээ ээлжит бус чуулган ямар тохиолдолд хуралддаг вэ гэвэл улс орны эдийн зэсэг, нийгмийн асуудлыг шийдэхийн тулд, зайлшгүй шийдэх асуудал үүссэн тохиолдолд зарладаг. Түүнээс биш ээлжит чуулганд хэлэлцэ амжаагүй хуулиа хэлэлцүүлэхийн тулд хийдэг зүйл биш. Мөн ээлжит бус чуулганы үед хэлэлцэх асуудлын дараалалд багтсан 26 асуудал дотор нилээн бодлогын хэмжээний суурь хуулийн төсөл багтсан байсан. Энэ хуулийн төслүүдийг оруулах зайлшгүй нөхцөл байна уу гэдэг асуудал тавьж байсан.

Харамсалтай нь УИХ-ын дарга зайлшгүй орох ёстой, эрүүгийн хууль батлагдсантай холбоотой дагаж гарах хуулиуд байгаа гэх мэт асуудлыг оруулж ирсэн. Гэтэл тэр дотор прокурорын тухай хууль, цагдаагийн тухай хууль, эрүүгийн байцаан шийтгэх хууль гэх мэт олны анхаарал татахуйц бодлогын хэмжээний хууль байсан учраас ээлжит бус чуулганы үеэр хэлэлцэх асуудал УИХ дах нам эвслийн бүлгүүдийн дарга нар, бүлгүүдтэй зөвшилцөж эдгээр асуудлыг оруулах эсэх санал сонсох байсан. Харамсалтай нь тийм зүйл болоогүй.

Мөн үндсэн хуулийн цэцийн даргыг огцоруулах асуудал орж ирсэн. Тухайн үед бид цэцийн даргад хайртайдаа ч биш, дургуйдээ ч биш ер нь асуудал хуулийн дагуу байж чадаж байна уу?. УИХ хууль тогтоох дээд байгууллагын хувьд хуулийг хэрэгжүүлэх хамгийн анхан субьект гэж үздэг. Тэгж байж хуулиа гаргана, өөрсдөө хэрэгжүүлнэ. Түүнийг дагаж, хэрэгжүүлэх үүргийг харъяа байгууллагууддаа хуулийг бүх нийтээр дагаж мөрдөх ёстой гэдэг байр сууриас асуудалд хандсан. Энэ асуудал маань өөрөө улс төрийн хүчин зүйл нөлөөлөөд бид нарыг ирцээр бойкот хийлээ гэж ярьж байна.

Бүрэн эхээр нь бичлэгээс...

/2-р хэсэг/

/3-р хэсэг/

Хамтран тэмдэглэх саналыг хоёр намын ахмад гишүүд гаргасан